ഇടുക്കിയില് വെള്ളച്ചാട്ടത്തില് വീണ് രണ്ട് വിദ്യാര്ഥികള് മരിച്ചു
ഇരുവരുടെയും മൃതദേഹം മെഡിക്കല് കോളേജിലേക്ക് മാറ്റി.
BY FAR6 Aug 2023 3:35 AM GMT
X
FAR6 Aug 2023 3:35 AM GMT
ഇടുക്കി: നെടുങ്കണ്ടത്ത് തൂവല് അരുവിയിലെ വെള്ളച്ചാട്ടത്തില് വീണ് രണ്ടു വിദ്യാര്ഥികള്ക്ക് ദാരുണാന്ത്യം. നെടുങ്കണ്ടം താന്നിമൂട് സ്വദേശി സെബിന് സജി, പാമ്പാടുംപാറ കുരിശുമല സ്വദേശി അനില രവീന്ദ്രന് എന്നിവരാണ് മരിച്ചത്.സെബിന് ഡിഗ്രി വിദ്യാര്ത്ഥിയും അനില പ്ലസ് വണ് വിദ്യാര്ത്ഥിയുമാണ്. ശനിയാഴ്ചയാണ് ഇവര് തൂവല് വെള്ളച്ചാട്ടത്തിലെത്തിയത്. നല്ല വഴുക്കലുള്ള സ്ഥലമായതിനാല് കാല് തെന്നി താഴേക്കുവീണാണ് അപകടത്തില്പ്പെട്ടതെന്നാണ് പ്രാഥമിക വിലയിരുത്തല്.
രണ്ടുപേര് അപകടത്തില്പ്പെട്ടെന്ന സംശയത്തെത്തുടര്ന്ന് രാത്രിയില്ത്തന്നെ നാട്ടുകാര് തിരച്ചില് നടത്തിയിരുന്നു. രാത്രി 11 മണിയോടെയാണ് ആദ്യ മൃതദേഹം കണ്ടെത്തിയത്. വീണ്ടും മണിക്കൂറുകള് നടത്തിയ തിരച്ചിലുകള്ക്കൊടുവില് രണ്ടാമത്തെ മൃതദേഹവും കണ്ടെത്തി.
വെള്ളച്ചാട്ടത്തിനു സമീപത്തുനിന്ന് യുവാവും യുവതിയും എത്തിയ ബൈക്കും ചെരിപ്പും കണ്ടെത്തിയതാണ് ഇവര് അപകടത്തില്പ്പെട്ടതായി സംശയിക്കാന് കാരണം. നാട്ടുകാരും പോലിസും ചേര്ന്നു നടത്തിയ തിരച്ചിലിലാണ് മൃതദേഹം കണ്ടെത്തിയത്. ഇരുവരുടെയും മൃതദേഹം മെഡിക്കല് കോളേജിലേക്ക് മാറ്റി. പോസ്റ്റുമോര്ട്ടം നടപടികള്ക്കുശേഷം ബന്ധുക്കള്ക്ക് വിട്ടുനല്കും.Next Story
RELATED STORIES
നമ്മുടെ ഭൂമിയില് നിന്ന് ഇസ്രായേലിനെ പുറത്താക്കുക തന്നെ ചെയ്യും:...
16 May 2024 5:33 PM GMTമാട്ടൂലിലെ വൈദ്യുതി പ്രതിസന്ധി; അടിയന്തരമായി പ്രശ്നപരിഹാരം...
16 May 2024 5:06 PM GMTകപില് സിബല് സുപ്രിംകോടതി ബാര് അസോസിയേഷന് അധ്യക്ഷന്
16 May 2024 4:58 PM GMTകൊവിഷീല്ഡിനു പിന്നാലെ കൊവാക്സിനും പാര്ശ്വഫലങ്ങളെന്ന് പഠന...
16 May 2024 4:34 PM GMTവിരലിനു പകരം നാവിന് ശസ്ത്രക്രിയ: ഡോക്ടര്ക്ക് സസ്പെന്ഷന്
16 May 2024 1:11 PM GMTനാവ് മുറിക്കുന്നതാണോ നമ്പര്വണ് കേരളം; സര്ക്കാരിനെതിരേ രൂക്ഷ...
16 May 2024 12:47 PM GMT