റഫ് ആന്റ് ടഫ് ഫോണുമായി മോട്ടറോള
ചെളിയും പൊടിയുമൊക്കെ പറ്റിയാല് സോപ്പ് ഉപയോഗിച്ച് കഴുകി വൃത്തിയാക്കുകയും ചെയ്യാം എന്നു കൂടി മോട്ടറോള പറയുന്നു.
കോഴിക്കോട്: മൊബൈല് ഫോണ് എന്നാല് അതീവ ശ്രദ്ധ വേണ്ട വസ്തുവാണ് എന്നാണ് പൊതുവിലുള്ള ധാരണ. വെള്ളം, ചെളി, മണ്ണ് എന്നിവയൊന്നും പറ്റാതെ വളരെ ശ്രദ്ധയോടെ സൂക്ഷിക്കുന്ന മൊബൈല് ഫോണുകളുടെ കാലം കഴിയുന്നു. മോട്ടറോളയാണ് ഇതിന് മാറ്റം വരുത്തുന്നത്.
മോട്ടറോള അവതരിപ്പിച്ച പുതിയ 'ഡിഫൈ' മൊബൈല് ഫോണുകള് വെള്ളം, ചെളി, പൊടി എന്നിവയെയെല്ലാം പ്രതിരോധിക്കുമെന്നാണ് കമ്പനിയുടെ വാഗ്ദാനം. ഇനി ചെളിയും പൊടിയുമൊക്കെ പറ്റിയാല് സോപ്പ് ഉപയോഗിച്ച് കഴുകി വൃത്തിയാക്കുകയും ചെയ്യാം എന്നു കൂടി മോട്ടറോള പറയുന്നു. വെറുതെ പറയുകയല്ല, ഇത് തെളിയിക്കാന് ഫോണിന് IP68 മിലിറ്ററി സ്റ്റാന്റേര്ഡ് സര്ട്ടിഫിക്കറ്റ് ലഭിച്ചിട്ടുണ്ടെന്നും കമ്പനി സാക്ഷ്യപ്പെടുത്തുന്നു.
മികച്ച സീലിങ്ങുള്ള ബോഡി പാനലുകളുമായി അവതരിപ്പിച്ചിരിക്കുന്ന ഡിഫൈ അഞ്ച് അടി താഴ്ചയുള്ള വെള്ളത്തില് 35 മിനിറ്റ് വരെ പ്രവര്ത്തിക്കും. മണല്, പൊടി, ചെളി, ഉപ്പിന്റെ അംശം എന്നിവ വലിയൊരളവ് വരെ പ്രതിരോധിക്കും. 6 അടി ഉയരത്തില് നിന്നുള്ള വീഴ്ച്ചയും ഇതിന് ഏല്ക്കില്ല.
സാഹസികപ്രിയരും കഠിനമായ പരിതസ്ഥിതികളില് ജോലി ചെയ്യുന്നവരുമായവര്ക്ക് മോട്ടറോളയുടെ റഫ് ആന്റ് ടഫ് ആയ ഡിഫൈ ഫോണ് ഉപകാരപ്പെടുമെന്നാണ് കമ്പനി പറയുന്നത്. സാംസങ്ങും എംഐയും ആപ്പിളും എല്ലാം മൊബൈല് ഫോണിനെ കുറിച്ച് ചിന്തിക്കുന്നതിനും മുന്പ് ഫോണുകള് വിപണിയിലെത്തിച്ചവരാണ് മോട്ടറോള. അതു കൊണ്ടുതന്നെ പറയുന്നത് അവിശ്വസിക്കേണ്ട കാര്യമില്ല.
RELATED STORIES
നമ്മുടെ ഭൂമിയില് നിന്ന് ഇസ്രായേലിനെ പുറത്താക്കുക തന്നെ ചെയ്യും:...
16 May 2024 5:33 PM GMTമാട്ടൂലിലെ വൈദ്യുതി പ്രതിസന്ധി; അടിയന്തരമായി പ്രശ്നപരിഹാരം...
16 May 2024 5:06 PM GMTകപില് സിബല് സുപ്രിംകോടതി ബാര് അസോസിയേഷന് അധ്യക്ഷന്
16 May 2024 4:58 PM GMTകൊവിഷീല്ഡിനു പിന്നാലെ കൊവാക്സിനും പാര്ശ്വഫലങ്ങളെന്ന് പഠന...
16 May 2024 4:34 PM GMTവിരലിനു പകരം നാവിന് ശസ്ത്രക്രിയ: ഡോക്ടര്ക്ക് സസ്പെന്ഷന്
16 May 2024 1:11 PM GMTനാവ് മുറിക്കുന്നതാണോ നമ്പര്വണ് കേരളം; സര്ക്കാരിനെതിരേ രൂക്ഷ...
16 May 2024 12:47 PM GMT