കെഎസ്ആര്ടിസി ബസ് തടഞ്ഞ സംഭവം: മേയര് ആര്യക്കും സച്ചിന്ദേവിനുമെതിരെ കേസ്
തിരുവനന്തപുരം: കെഎസ്ആര്ടിസി ബസ് തടഞ്ഞുനിര്ത്തി ഡ്രൈവറുമായി വാക്കേറ്റമുണ്ടായ സംഭവത്തില് മേയര് ആര്യ രാജേന്ദ്രനും ഭര്ത്താവ് കെ.എം.സച്ചിന്ദേവ് എംഎല്എയ്ക്കുമെതിരെ ഒടുവില് കേസ്. കോടതി നിര്ദേശപ്രകാരമാണ് കന്റോണ്മെന്റ് പോലിസ് കേസെടുത്തത്. മേയറും എംഎല്എയും ഉള്പ്പെടെ അഞ്ചു പ്രതികളാണുള്ളത്. ഗതാഗതം തടസപ്പെടുത്തിയതിന് ജാമ്യം ലഭിക്കാവുന്ന വകുപ്പുകളാണ് ചുമത്തിയിരിക്കുന്നത്. ബസ് ഡ്രൈവര് എല്.എച്ച്.യദു പരാതി നല്കിയെങ്കിലും കേസെടുക്കാന് പോലിസ് തയ്യാറായിരുന്നില്ല.
യദുവിന്റെ പരാതിയില് കന്റോണ്മെന്റ് പോലിസ് അന്വേഷണം തുടങ്ങിയിരുന്നു. എന്നാല്, പ്രാഥമികാന്വേഷണ റിപ്പോര്ട്ട് (എഫ്ഐആര്) റജിസ്റ്റര് ചെയ്തിട്ടില്ല. യദു സിറ്റി പോലിസ് കമ്മീഷണര്ക്കു നിവേദനം നല്കിയതിനെത്തുടര്ന്നാണ് അന്വേഷണം തുടങ്ങിയത്. യദുവിന്റെ പരാതിയില് മനുഷ്യാവകാശ കമ്മീഷനും കേസെടുത്തു.
കേസിലെ നിര്ണായക തെളിവായ, ബസിലെ സിസിടിവി ക്യാമറാ ദൃശ്യങ്ങള് സൂക്ഷിച്ചിരുന്ന മെമ്മറി കാര്ഡ് നഷ്ടമായതുമായി ബന്ധപ്പെട്ട് തമ്പാനൂര് പോലിസ് കേസെടുത്തു. മന്ത്രി കെ.ബി.ഗണേഷ് കുമാറിന്റെ നിര്ദേശപ്രകാരം കെഎസ്ആര്ടിസി ജനറല് കണ്ട്രോളിങ് ഇന്സ്പെക്ടറാണ് പരാതി നല്കിയത്. ഏപ്രില് 27 ന് രാത്രി പത്തരയോടെ പാളയം സാഫല്യം കോംപ്ലക്സിനു സമീപം മേയറും എംഎല്എയും ബന്ധുക്കളും സഞ്ചരിച്ച കാര് സീബ്ര ലൈനില് കുറുകെയിട്ടു ബസ് തടഞ്ഞതാണു വിവാദമായത്.
RELATED STORIES
ഹരിയാനയില് തീര്ഥാടകര് സഞ്ചരിച്ച ബസിന് തീപിടിച്ച് എട്ടുപേര്...
18 May 2024 6:51 AM GMTഐപിഎല്ലില് ഇന്ന് ആര്സിബി-ചെന്നൈ പോരാട്ടം; പ്ലേ ഓഫില് ആരെത്തും?
18 May 2024 6:48 AM GMTവിദേശ സന്ദര്ശനം നേരത്തെ അവസാനിപ്പിച്ച് മുഖ്യമന്ത്രി പിണറായി വിജയനും...
18 May 2024 6:17 AM GMTപിരിവ് കൊടുക്കാത്തതിന് പമ്പയിൽ ബിജെപി നേതാക്കൾ പ്രവര്ത്തകരെ...
18 May 2024 6:15 AM GMTഗാര്ഹിക പീഡനം: പോലിസില് 'ചാരപ്പണി'; രാഹുലിന് ബുദ്ധി ഉപദേശിച്ചത്...
18 May 2024 6:13 AM GMTഡല്ഹിയില് പ്രചാരണത്തിനിടെ കോണ്ഗ്രസ് സ്ഥാനാര്ഥി കനയ്യ കുമാറിന് നേരെ ...
18 May 2024 5:54 AM GMT