ഇറാന്റെ പ്രത്യാക്രമണം; ഇസ്രായേലിലേക്കും ഇറാനിലേക്കും യാത്ര വിലക്ക് ഏര്പ്പെടുത്തി യൂറോപ്യന് രാജ്യങ്ങള്
ജെറുസലേം: ഇറാന്, ലെബനന്, ഇസ്രായേല്, ഫലസ്തീന് എന്നീ സ്ഥലങ്ങളിലേക്ക് പൗരന്മാര്ക്ക് യാത്ര വിലക്ക് ഏര്പ്പെടുത്തി ഫ്രാന്സ്. ഇസ്രായേലിനെതിരായ ഇറാന്റെ ആക്രമണ സാധ്യത കണക്കിലെടുത്താണ് തീരുമാനം. പൗരന്മാര് ഇസ്രായേലില് നിന്ന് മടങ്ങണമെന്ന് ആവശ്യപ്പെട്ട് ബ്രിട്ടനും രംഗത്തെത്തി.
സുരക്ഷാ വിഭാഗങ്ങളുമായി ഇസ്രായേല് പ്രധാനമന്ത്രി ബെഞ്ചമിന് നെതന്യാഹു ഇന്ന് കൂടിക്കാഴ്ച നടത്തുമെന്ന് അറിയിച്ചിട്ടുണ്ട്. അടുത്തിടെ സിറിയന് തലസ്ഥാന ദമസ്കസില് ഇറാന് കോണ്സുലേറ്റിന് നേരെ ഇസ്രായേല് നടത്തിയ ആക്രമണത്തില് ഏഴ് പേര് കൊല്ലപ്പെട്ടിരുന്നു. ഇതിന് പിന്നാലെ പല ഘട്ടങ്ങളിലായി ഇസ്രായേലിന് മുന്നറിയിപ്പ് നല്കി ഇറാന് രംഗത്തെത്തിയിരുന്നു.
ഇറാന്റെ ഭാഗത്ത് നിന്ന് ഒരു തിരിച്ചടി ഉണ്ടാകുമെന്ന് മനസിലാക്കിയാണ് ഫ്രാന്സ് ഉള്പ്പടെയുള്ള രാജ്യങ്ങളുടെ തീരുമാനം. ഇറാന് ശക്തമായ തിരിച്ചടിക്ക് തയ്യാറെടുക്കുന്നതായി അമേരിക്കയും ഇസ്രായേലിന് മുന്നറിയിപ്പ് നല്കിയിരുന്നു. ഇതിന് പിന്നാലെ ആക്രമണം നേരിടാന് പൂര്ണമായും തയ്യാറാണെന്ന് ഇസ്രായേലും അറിയിച്ചിരുന്നു.ഇറാന്റെ ഭാഗത്ത് നിന്ന് ആക്രമണം ഉണ്ടായാല് ശക്തമായ തിരിച്ചടി നല്കുമെന്ന് ഇസ്രായേല് സൈനിക നേതൃത്വം അറിയിച്ചിട്ടുണ്ട്.
RELATED STORIES
മാട്ടൂലിലെ വൈദ്യുതി പ്രതിസന്ധി; അടിയന്തരമായി പ്രശ്നപരിഹാരം...
16 May 2024 5:06 PM GMTകപില് സിബല് സുപ്രിംകോടതി ബാര് അസോസിയേഷന് അധ്യക്ഷന്
16 May 2024 4:58 PM GMTകൊവിഷീല്ഡിനു പിന്നാലെ കൊവാക്സിനും പാര്ശ്വഫലങ്ങളെന്ന് പഠന...
16 May 2024 4:34 PM GMTവിരലിനു പകരം നാവിന് ശസ്ത്രക്രിയ: ഡോക്ടര്ക്ക് സസ്പെന്ഷന്
16 May 2024 1:11 PM GMTനാവ് മുറിക്കുന്നതാണോ നമ്പര്വണ് കേരളം; സര്ക്കാരിനെതിരേ രൂക്ഷ...
16 May 2024 12:47 PM GMTകൈവിരലിനു പകരം കുഞ്ഞിന്റെ നാവില് ശസ്ത്രക്രിയ; ചികില്സാപ്പിഴവ്...
16 May 2024 11:23 AM GMT