ഏഷ്യന് ഗെയിംസ്; പുരുഷ ലോങ്ജംപില് ശ്രീശങ്കറിന് വെള്ളി
ഹാങ്ചോ: ഏഷ്യന് ഗെയിംസ് പുരുഷ ലോങ്ജംപില് വെള്ളി മെഡല് നേടി മലയാളി താരം എം.ശ്രീശങ്കര്. 8.19 മീറ്റര് ചാടിയാണു താരത്തിന്റെ മെഡല് നേട്ടം. മറ്റൊരു മലയാളി താരം ജിന്സണ് ജോണ്സണ് 1500 മീറ്റര് ഓട്ടമത്സരത്തില് വെങ്കലവും കരസ്ഥമാക്കി. 1500 മീറ്ററില് അജയ് കുമാര് സരോജിലൂടെ വെള്ളി മെഡലും ഇന്ത്യയ്ക്കാണ്. വനിതകളുടെ 1500 മീറ്റര് ഓട്ടമത്സരത്തില് ഹര്മിലാന് ബെയ്ന്സും വെള്ളി മെഡല് നേടി.
3000 മീറ്റര് സ്റ്റീപ്പിള് ചേസില് അവിനാഷ് സാബ്ലെ സ്വര്ണം നേടി. ഷോട്ട്പുട്ടില് ഇന്ത്യയുടെ തജീന്ദര്പാല് സിങ്ങും സ്വര്ണം നേടി. അവസാന ശ്രമത്തില് 20.36 മീറ്റര് ദൂരമാണ് തജീന്ദര്പാല് സിങ് കൈവരിച്ചത്. ഇന്ത്യയുടെ 13ാം സ്വര്ണമാണിത്. ഡിസ്കസ് ത്രോയില് 40 വയസ്സുകാരിയായ ഇന്ത്യന് താരം സീമ പുനിയ വെങ്കല മെഡല് നേടി. ഹെപ്റ്റാത്തലനില് ഇന്ത്യന് താരം നന്ദിനി അഗാസാര വെങ്കലം കരസ്ഥമാക്കി. വനിതകളുടെ 100 മീറ്റര് ഹര്ഡില്സില് വെങ്കലം നേടിയത് ഇന്ത്യയുടെ ജ്യോതി യാരാജിയാണ്.
വനിതകളുടെ 50 കിലോ വിഭാഗം ബോക്സിങ്ങില് ഇന്ത്യയുടെ നിഖാത് സരീന് വെങ്കലം സ്വന്തമാക്കി. ഷൂട്ടിങ് ട്രാപ് ഇനത്തില് പുരുഷ ടീമാണ് ഞായറാഴ്ച ഇന്ത്യയ്ക്കായി ആദ്യ സ്വര്ണം നേടിയത്. ക്യനാന് ചെനായ്, പൃഥ്വിരാജ്, സ്വറവാര് സിങ് എന്നിവരുള്പ്പെട്ട ടീമാണ് സ്വര്ണം വെടിവച്ചിട്ടത്. വനിതാ വിഭാഗത്തില് ഇന്ത്യ വെള്ളി മെഡല് നേടി. വനിതകളുടെ ഗോള്ഫില് ഇന്ത്യന് താരം അതിഥി അശോക് വെള്ളി മെഡല് സ്വന്തമാക്കി. ഏഷ്യന് ഗെയിംസ് ഗോള്ഫ് ചരിത്രത്തില് ഇന്ത്യയ്ക്കായി മെഡല് നേടുന്ന ആദ്യ വനിതാ താരമാണ് അതിഥി. ട്രാപ് ഷൂട്ടിങ്ങില് ഇന്ത്യയുടെ കൈനാന് ചെനായ് വെങ്കലം നേടി. ഷൂട്ടിങ്ങില് ഇന്ത്യയുടെ എല്ലാ മത്സരങ്ങളും പൂര്ത്തിയായി. ഷൂട്ടിങ്ങില്നിന്നു മാത്രം ഇന്ത്യ ആകെ നേടിയത് 22 മെഡലുകള്. 7 സ്വര്ണം, 9 വെള്ളി, ആറ് വെങ്കലം.
RELATED STORIES
നമ്മുടെ ഭൂമിയില് നിന്ന് ഇസ്രായേലിനെ പുറത്താക്കുക തന്നെ ചെയ്യും:...
16 May 2024 5:33 PM GMTമാട്ടൂലിലെ വൈദ്യുതി പ്രതിസന്ധി; അടിയന്തരമായി പ്രശ്നപരിഹാരം...
16 May 2024 5:06 PM GMTകപില് സിബല് സുപ്രിംകോടതി ബാര് അസോസിയേഷന് അധ്യക്ഷന്
16 May 2024 4:58 PM GMTകൊവിഷീല്ഡിനു പിന്നാലെ കൊവാക്സിനും പാര്ശ്വഫലങ്ങളെന്ന് പഠന...
16 May 2024 4:34 PM GMTവിരലിനു പകരം നാവിന് ശസ്ത്രക്രിയ: ഡോക്ടര്ക്ക് സസ്പെന്ഷന്
16 May 2024 1:11 PM GMTനാവ് മുറിക്കുന്നതാണോ നമ്പര്വണ് കേരളം; സര്ക്കാരിനെതിരേ രൂക്ഷ...
16 May 2024 12:47 PM GMT