ഉഷ്ണതരംഗം: പാലക്കാട്ട് വിദ്യാഭ്യാസ സ്ഥാപനങ്ങള് അടച്ചിടാന് കലക്ടറുടെ നിര്ദേശം
തിരുവനന്തപുരം: പാലക്കാട് ജില്ലയില് ഉഷ്ണതരംഗ സാധ്യത നിലനില്ക്കുന്നതിനാല് പ്രഫഷനല് കോളജുകള് ഉള്പ്പടെയുള്ള എല്ലാ വിദ്യാഭ്യാസസ്ഥാപനങ്ങളും മെയ് രണ്ടുവരെ അടച്ചിടാന് ജില്ലാ കലക്ടര് ഡോ. എസ് ചിത്രയുടെ ഉത്തരവ്. സ്വകാര്യ ട്യൂഷന് സെന്ററുകള്, സ്കൂളുകളിലെ അഡീഷനല് ക്ലാസുകള്, സമ്മര് ക്യാംപുകള് എന്നിവയ്ക്കെല്ലാം വിലക്കേര്പ്പെടുത്തിയിട്ടുണ്ട്. എന്നാല്, മെഡിക്കല് കോളജ് വിദ്യാര്ഥികള്ക്ക് ഉത്തരവ് ബാധകമല്ല. ഉഷ്ണതരംഗത്തിന്റെ പശ്ചാത്തലത്തില് പാലക്കാട് ജില്ലയില് കേന്ദ്ര കാലാവസ്ഥാ വകുപ്പ് തിങ്കളാഴ്ച ഓറഞ്ച് അലര്ട്ട് പ്രഖ്യാപിച്ചിരുന്നു. മെയ് മൂന്നുവരെ പാലക്കാട് ജില്ലയില് താപനില 41ഡിഗ്രി സെല്ഷ്യസ് വരെ ഉയരാന് സാധ്യതയുണ്ടെന്നാണ് മുന്നറിയിപ്പ്.
സംസ്ഥാനത്തെ മിക്ക ജില്ലകളിലും ചൂട് കൂടിവരികയാണ്. കൊല്ലം, തൃശൂര് ജില്ലകളില് യെല്ലോ അലര്ട്ടാണ് പ്രഖ്യാപിച്ചിട്ടുള്ളത്. ഇവിടങ്ങളില് താപനില 40ഡിഗ്രി വരെ ഉയരാന് സാധ്യതയുണ്ടെന്നാണ് മുന്നറിയിപ്പ്. കോഴിക്കോട്-39, ആലപ്പുഴ, പത്തനംതിട്ട, കോട്ടയം, കണ്ണൂര് ജില്ലകളില് 38, എറണാകുളം, മലപ്പുറം, കാസറഗോഡ് ജില്ലകളില് 37, തിരുവനന്തപുരം ജില്ലയില് 36 ഡിഗ്രി എന്നിങ്ങനെയാണ് ഉയര്ന്ന താപനിലയ്ക്കു സാധ്യത പറയുന്നത്. സാധാരണയേക്കാള് മൂന്നുമുതല് അഞ്ചു ഡിഗ്രി വരെയാണ് കൂടാന് സാധ്യതയെന്നാണ് കേന്ദ്ര കാലാവസ്ഥ വകുപ്പിന്റെ അറിയിപ്പില് പറയുന്നത്.
RELATED STORIES
നമ്മുടെ ഭൂമിയില് നിന്ന് ഇസ്രായേലിനെ പുറത്താക്കുക തന്നെ ചെയ്യും:...
16 May 2024 5:33 PM GMTമാട്ടൂലിലെ വൈദ്യുതി പ്രതിസന്ധി; അടിയന്തരമായി പ്രശ്നപരിഹാരം...
16 May 2024 5:06 PM GMTകപില് സിബല് സുപ്രിംകോടതി ബാര് അസോസിയേഷന് അധ്യക്ഷന്
16 May 2024 4:58 PM GMTകൊവിഷീല്ഡിനു പിന്നാലെ കൊവാക്സിനും പാര്ശ്വഫലങ്ങളെന്ന് പഠന...
16 May 2024 4:34 PM GMTവിരലിനു പകരം നാവിന് ശസ്ത്രക്രിയ: ഡോക്ടര്ക്ക് സസ്പെന്ഷന്
16 May 2024 1:11 PM GMTനാവ് മുറിക്കുന്നതാണോ നമ്പര്വണ് കേരളം; സര്ക്കാരിനെതിരേ രൂക്ഷ...
16 May 2024 12:47 PM GMT