കാസര്കോട് ബദിയടുക്കയില് സ്കൂള് ബസ്സും ഓട്ടോയും കൂട്ടിയിടിച്ച് അഞ്ചുമരണം
ബദിയടുക്ക: കാസര്കോട് ബദിയടുക്കയില് സ്കൂള് ബസ്സും ഓട്ടോയും കൂട്ടിയിടിച്ച് അഞ്ചുപേര് മരിച്ചു. ഓട്ടോ ഡ്രൈവര് മൊഗ്രാല് സ്വദേശി അബ്ദുര് റഊഫ്, യാത്രക്കാരായ ബീഫാത്തിമ, ബീ ഫാത്തിമ മൊഗര്, നബീസ, ഉമ്മു ഹലീമ എന്നിവരാണ് മരണപ്പെട്ടത്. ബന്ധുവിന്റെ മരണാനന്തര ചടങ്ങില് പങ്കെടുത്ത് നക്രാജയില് നിന്ന് മടങ്ങുമ്പോള് വൈകീട്ട് 5.30ഓടെ പള്ളത്തടുക്കയിലാണ് അപകടം. സ്കൂള് വിദ്യാര്ഥികളെ വിട്ട് മടങ്ങിവരികയായിരുന്ന മാന്യ ഗ്ലോബല് സ്കൂളിന്റെ ബസ്സും ഓട്ടോയുമാണ് കൂട്ടിയിടിച്ചത്. മരിച്ച സ്ത്രീകളില് മൂന്നു പേര് സഹോദരിമാരാണ്. നാലുപേര് സംഭവസ്ഥലത്തും ഒരാള് കാസര്കോട് ജനറല് ആശുപത്രിയിലുമാണ് മരണപ്പെട്ടത്. മൃതദേഹങ്ങള് കാസര്കോട് ജനറല് ആശുപത്രിയി സൂക്ഷിച്ചിരിക്കുകയാണ്. ബസിന്റെ അമിതവേഗതയാണ് അപകടകാരണമെന്നാണ് ദൃക്സാക്ഷികള് പറയുന്നു. അപകടസമയത്ത് സ്കൂള് ബസ്സില് കുട്ടികള് ആരുമുണ്ടായിരുന്നില്ല. അപകടത്തില് ഓട്ടോ പൂര്ണമായും തകര്ന്നു.
RELATED STORIES
എയര് ഇന്ത്യ എക്സ്പ്രസ് കൈയ്യൊഴിഞ്ഞു; കേന്ദ്രത്തിന് പരാതി നൽകുമെന്ന്...
17 May 2024 6:08 AM GMT'അവളുടെ നാവിന് ഒരു കുഴപ്പവും ഉണ്ടായിരുന്നില്ല'; പ്രശ്നമുണ്ടെന്ന്...
17 May 2024 5:51 AM GMTപന്തീരാങ്കാവ് ഗാര്ഹിക പീഡന കേസില് പ്രതി രാഹുല് ജര്മ്മനിയില്...
17 May 2024 5:18 AM GMTമാട്ടൂലിലെ വൈദ്യുതി പ്രതിസന്ധി; അടിയന്തരമായി പ്രശ്നപരിഹാരം...
16 May 2024 5:06 PM GMTകപില് സിബല് സുപ്രിംകോടതി ബാര് അസോസിയേഷന് അധ്യക്ഷന്
16 May 2024 4:58 PM GMTകൊവിഷീല്ഡിനു പിന്നാലെ കൊവാക്സിനും പാര്ശ്വഫലങ്ങളെന്ന് പഠന...
16 May 2024 4:34 PM GMT