24 മണിക്കൂറിൽ 70,496 പേർക്ക് കൊവിഡ് ; രാജ്യത്ത് രോഗികൾ 69 ലക്ഷം കടന്നു

ന്യൂഡൽഹി: ഇന്ത്യയിൽ കഴിഞ്ഞ 24 മണിക്കൂറിനിടയിൽ 70,496 പേർക്ക് കൊറോണ വൈറസ് സ്ഥിരീകരിച്ചു. 964 പേർ കൂടി മരിച്ചു. ഇതോടെ കൊവിഡ് ബാധിതരുടെ എണ്ണം 69 ലക്ഷം കടന്നു. ഇതിൽ 59.06 ലക്ഷം പേർ രോഗവിമുക്തരായി. നിലവിൽ 8.93 ലക്ഷം സജീവ കേസുകളാണ് ഉള്ളത്. കൊവിഡ് ബാധിച്ചു ഇതുവരെ 1,06,490 പേരാണ് മരിച്ചത്. കഴിഞ്ഞ ദിവസം മഹാരാഷ്ട്രയിൽ 358 പേരും കർണാടകത്തിൽ 101 പേരും മരിച്ചു.

മഹാരാഷ്ട്രയിൽ 2.42 ലക്ഷം സജീവ കേസുകളാണ് ഉള്ളത്. 12.12 ലക്ഷം പേർ രോഗവിമുക്തി നേടി. 39430 പേർ മരിച്ചു. ആന്ധ്ര പ്രദേശിൽ 48661, കേരളത്തിൽ 90664, തമിഴ്നാട്ടിൽ 44437, ഉത്തർ പ്രദേശിൽ 42552 എന്നിങ്ങനെയാണ് ചികിത്സയിൽ കഴിയുന്നവരുടെ എണ്ണം. ബംഗാളിൽ 5439 പേരും ഉത്തർ പ്രദേശിൽ 6245 പേരും തമിഴ്നാട്ടിൽ 10,052 പേരും കർണാടകത്തിൽ 9675 പേരും ഡൽഹിയിൽ 5653 പേരും ആന്ധ്ര പ്രദേശിൽ 6128 പേരും മരിച്ചു.