ന്യൂഡല്‍ഹി: രാജ്യത്ത് കഴിഞ്ഞ 24 മണിക്കൂറിനിടെ 46,759 കൊവിഡ് കേസുകള്‍ കൂടി റിപ്പോര്‍ട്ട് ചെയ്തതായി ആരോഗ്യമന്ത്രാലയം അറിയിച്ചു. ഇതോടെ രോഗം ബാധിച്ചവരുടെ എണ്ണം 3,26,49,947 ആയി. നിലവില്‍ രാജ്യത്തെ ആക്ടീവ് കേസുകളുടെ 3,59,775 ആണ്. രാജ്യത്ത് ഏറ്റവും കൂടുതല്‍ കൊവിഡ് കേസുകള്‍ റിപ്പോര്‍ട്ട് ചെയ്യുന്ന കേരളത്തില്‍ ഇന്നലെ 32,801 കേസുകളാണ് റിപ്പോര്‍ട്ട് ചെയ്തത്. 179 പേര്‍ കൊവിഡ് ബാധിച്ച് മരിച്ചു.
കഴിഞ്ഞ 24 മണിക്കൂറിനിടെ രാജ്യത്ത് 509 പേര്‍ കൊവിഡ് ബാധിച്ച് മരിച്ചതായി ആരോഗ്യമന്ത്രാലയത്തിന്റെ റിപ്പോര്‍ട്ടില്‍ പറയുന്നു. ഇതോടെ ആകെ മരിച്ചവരുടെ എണ്ണം 4,37,370 ആയി. രാജ്യത്ത് വാരാന്ത്യ പോസിറ്റിവിറ്റി നിരക്ക് 2.19 ശതമാനമാണ്.
17,61,110 കൊവിഡ് ടെസ്റ്റുകളാണ് നടത്തിയത്. ഇതോടെ മൊത്തം കൊവിഡ് പരിശോധന നടത്തിയവരുടെ എണ്ണം 51,68,87,602 ആയി. കഴിഞ്ഞ 24 മണിക്കൂറിനിടെ ഒരു കോടിയിലധികം ഡോസ് വാക്‌സിന്‍ നല്‍കിയതായും ആരോഗ്യമന്ത്രാലയം അറിയിച്ചു.