ബോര്‍ഡര്‍ സെക്യൂരിറ്റി ഫോഴ്‌സില്‍ 72 ഒഴിവുകളിലേക്ക് അപേക്ഷ ക്ഷണിച്ചു. ഗ്രൂപ്പ് സി പോസ്റ്റിലേക്ക് കേന്ദ്ര ആഭ്യന്തര മന്ത്രാലയത്തിന്റെ ബോര്‍ഡര്‍ സെക്യൂരിറ്റി ഫോഴ്‌സ് ഡയറക്ടറേറ്റ് ജനറല്‍ നേരിട്ടുള്ള നിയമനമാണ് നടത്തുന്നത്. സ്ത്രീകള്‍ക്കും പുരുഷന്‍മാര്‍ക്കും അപേക്ഷിക്കാം. ഓണ്‍ലൈനായാണ് അപേക്ഷിക്കേണ്ടത്. അപേക്ഷ സ്വീകരിക്കുന്ന അവസാന തിയ്യതി: ഡിസംബര്‍ 24.
എഎസ്‌ഐ (ഡ്രാഫ്റ്റ്‌സ്മാന്‍ ഗ്രേഡ് മൂന്ന്): ഒരു ഒഴിവ്.
യോഗ്യത: പത്താംക്ലാസ് വിജയം അല്ലെങ്കില്‍ തത്തുല്യം. ഡ്രാഫ്റ്റ്‌സമാന്‍ (സിവില്‍) ഡിപ്ലോമ. സിവില്‍ എന്‍ജിനിയറിംഗ് ഡിപ്ലോമ അഭിലഷണീയം.
ഹെഡ് കോണ്‍സ്റ്റബിള്‍- എച്ച്‌സി (കാര്‍പെന്റര്‍): 4
യോഗ്യത: 10ാം ക്ലാസ് വിജയവും കാര്‍പെന്റര്‍ ട്രേഡില്‍ ഐടിഐ സര്‍ട്ടിഫിക്കറ്റും. അല്ലെങ്കില്‍ മൂന്നുവര്‍ഷത്തെ പ്രവൃത്തിപരിചയം.
ഹെഡ് കോണ്‍സ്റ്റബിള്‍ (പ്ലംബര്‍): 2
യോഗ്യത: പത്താംക്ലാസ് വിജയവും പ്ലംബര്‍ ട്രേഡില്‍ ഐടിഐ സര്‍ട്ടിഫിക്കറ്റും. അല്ലെങ്കില്‍ മൂന്ന് വര്‍ഷത്തെ പ്രവൃത്തിപരിചയം.
കോണ്‍സ്റ്റബിള്‍ (സ്യൂയര്‍മാന്‍): 2
യോഗ്യത: പത്താംക്ലാസ് വിജയം അല്ലെങ്കില്‍ തത്തുല്യം. ബന്ധപ്പെട്ട ട്രേഡില്‍ അറിവുണ്ടായിരിക്കണം.
കോണ്‍സ്റ്റബിള്‍ (ജനറേറ്റര്‍ ഓപ്പറേറ്റര്‍): 24
യോഗ്യ: 10ാം ക്ലാസ് വിജയം അല്ലെങ്കില്‍ തത്തുല്യം. ഇലക്ട്രീഷന്‍/ വയര്‍മാന്‍/ ഡീസല്‍ (മോട്ടോര്‍/ മെക്കാനിക്ക്) ട്രേഡില്‍ ഐടിഐ സര്‍ട്ടിഫിക്കറ്റ്. മൂന്ന് വര്‍ഷത്തെ പ്രവൃത്തിപരിചയം.
കോണ്‍സ്റ്റബിള്‍ (ജനറേറ്റര്‍ മെക്കാനിക്ക്): 28
യോഗ്യത: മെട്രിക്കുലേഷന്‍/ തത്തുല്യം. ഡീസല്‍/ മോട്ടോര്‍ മെക്കാനിക്ക് ട്രേഡില്‍ ഐടിഐ സര്‍ട്ടിഫിക്കറ്റ്. മൂന്നുവര്‍ഷത്തെ പ്രവൃത്തിപരിചയം.
കോണ്‍സ്റ്റബിള്‍ (ലൈന്‍മാന്‍): 11
യോഗ്യത: 10ാം ക്ലാസ് വിജയം/ തത്തുല്യം. ഇലക്ട്രിക്കല്‍ വയര്‍മാന്‍/ ലൈന്‍മാന്‍ ട്രേഡില്‍ ഐടിഐ സര്‍ട്ടിഫിക്കറ്റ്. മൂന്ന് വര്‍ഷത്തെ പ്രവൃത്തിപരിചയം.
പ്രായം: 18- 25 വയസ്.
തിരഞ്ഞെടുപ്പ് പ്രക്രിയ:
* എഴുത്തുപരീക്ഷ
* ഡോക്യുമെന്റേഷന്‍
* ഫിസിക്കല്‍ സ്റ്റാന്‍ഡേര്‍ഡ് ടെസ്റ്റ്
* ഫിസിക്കല്‍ എഫിഷ്യന്‍സി ടെസ്റ്റ്
* പ്രാക്ടിക്കല്‍/ ട്രേഡ് ടെസ്റ്റ്
* രണ്ട് തവണ വൈദ്യപരിശോധന
അപേക്ഷിക്കേണ്ട വിധം: യോഗ്യരായ താല്‍പര്യമുള്ള ഉദ്യോഗാര്‍ഥികള്‍ ഓണ്‍ലൈന്‍ വഴി മാത്രമേ അപേക്ഷിക്കാവൂ.
വിശദവിവരങ്ങള്‍ക്കും അപേക്ഷിക്കുന്നതിനും www.bsf.gov.in എന്ന വെബ്‌സൈറ്റ് സന്ദര്‍ശിക്കുക.