ചാലിയം: ചാലിയം ഗവ: ഫിഷറീസ് എല്‍പി സ്‌കൂള്‍ അധ്യാപകന്‍ എ അബ്ദുള്‍ റഹീം മാസ്റ്റര്‍ക്ക് കാലിക്കറ്റ് യൂനിവേഴ്‌സിറ്റിയുടെ ആദരം. ബഷീര്‍ കൃതികള്‍ കാഴ്ച പരിമിതര്‍ക്കായി ബ്രെയിലി ലിപിയില്‍ തയ്യാറാക്കാന്‍ സഹായിച്ചതിനും ബഷീര്‍ ജീവചരിത്രരേഖ രചിച്ചതിനും ബഷീര്‍ സ്മാരക വായനശാല & ലൈബ്രറിക്ക് തുടക്കം കുറിച്ചതിനുമാണ് കാലിക്കറ്റ് യൂനിവേഴ്‌സിറ്റി അബ്ദുള്‍ റഹീം മാസ്റ്ററെ ആദരിച്ചത്.
ബഷീര്‍ അനുസ്മരണ ദേശീയ സെമിനാറില്‍ കാലിക്കറ്റ് യൂനിവേഴ്‌സിറ്റി വൈസ് ചാന്‍സലര്‍ ഡോ: കെ മുഹമ്മദ് ബഷീര്‍ അബ്ദുള്‍ റഹീം മാസ്റ്ററെ പൊന്നാട അണിയിച്ചു.
മലയാള വിഭാഗം തലവന്‍ തോമസ് കുട്ടി, പ്രഫ. പി കെ പോക്കര്‍ , അബുല്ലൈസ് നല്ലളം, പുനലൂര്‍ രാജന്‍, ഡോ: ശരത്ചന്ദ്രന്‍ , നിലമ്പൂര്‍ ആയിശ, ബഷീര്‍ ചുങ്കത്തറ പങ്കെടുത്തു.