കൊടുവള്ളി: ഇന്ത്യയുടെ നാനോന്മുഖ പുരോഗതിയെയും വൈവിധ്യങ്ങളെയും തകര്‍ത്തുകൊണ്ടിരിക്കുന്ന മോദി ഭരണകൂടത്തിനെതിരേ ക്രിയാത്മക പ്രതിപക്ഷമാവാന്‍ മതേതര ശക്തികള്‍ക്ക് കഴിയുന്നില്ലെന്ന് പോപുലര്‍ ഫ്രണ്ട് സംസ്ഥാന പ്രസിഡന്റ് നാസറുദ്ദീന്‍ എളമരം പറഞ്ഞു. പോപുലര്‍ ഫ്രണ്ട് ഓഫ് ഇന്ത്യ ദേശ വ്യാപകമായി നടത്തുന്ന 'ഭയപ്പെടരുത്, അന്തസ്സോടെ ജീവിക്കുക' കാംപയിനിന്റെ കോഴിക്കോട് സൗത്ത് ജില്ലാ ജാഗ്രത സംഗമം കൊടുവള്ളിയില്‍ ഉദ്ഘാടനം ചെയ്യുകയായിരുന്നു അദ്ദേഹം. ഫാഷിസത്തിനെതിരെയുള്ള പോരാട്ടത്തില്‍ പൊതുജനങ്ങള്‍ പോപുലര്‍ ഫ്രണ്ടിനോടൊപ്പം അണിചേരണമെന്ന് അദ്ദേഹം അഭ്യര്‍ഥിച്ചു. അഡ്വ. റഫീഖ് കുറ്റിക്കാട്ടൂര്‍ വിഷയാവതരണം നടത്തി. ജില്ലാ പ്രസിഡന്റ് കെ കെ കബീര്‍, ജില്ലാ സെക്രട്ടറി പി നിസാര്‍ അഹമദ്, കൊടുവള്ളി ഡിവിഷന്‍ പ്രസിഡന്റ് സി പി ബഷീര്‍ സംസാരിച്ചു.