താനൂര്‍: മലപ്പുറം ജില്ലാ ബീച്ച് ഗെയിംസ് ഡിസംബര്‍ 22, 23, 24 തിയ്യതികളില്‍ പൊന്നാനി, താനൂര്‍ ഒട്ടുംപുറം എന്നിവിടങ്ങളില്‍ നടക്കും. ബീച്ച് സെവന്‍സ് ഫുട്‌ബോള്‍, വടംവലി (സ്റ്റാന്റിങ്) എന്നിവ താനൂരിലും, ബീച്ച് കബഡി, ബീച്ച് വോളിബോള്‍ മല്‍സരങ്ങള്‍ പൊന്നാനിയിലുമാണ് സംഘടിപ്പിക്കുന്നത്. ഒട്ടുംപുറത്ത് നടക്കുന്ന സമാപന ചടങ്ങ് മന്ത്രി വി അബ്ദുറഹിമാന്‍ ഉദ്ഘാടനം ചെയ്യും. സംഘാടക സമിതി രൂപീകരണം നഗരസഭാ ചെയര്‍മാന്‍ പി പി ഷംസുദ്ദീന്‍ ഉദ്ഘാടനം ചെയ്തു. സ്ഥിരം സമിതി അധ്യക്ഷന്‍ ജയപ്രകാശ് അധ്യക്ഷത വഹിച്ചു. കൗണ്‍സിലര്‍മാര്‍, സംഘടനാ പ്രതിനിധികള്‍ എന്നിവര്‍ പങ്കെടുത്തു.