അരീക്കോട്: കീഴുപറമ്പ് പഞ്ചായത്തില്‍നിന്ന് നിരോധിത പുകയില ഉല്‍പ്പന്നങ്ങള്‍ പിടികൂടി. കുനിയില്‍ ന്യൂ ബസാര്‍ അങ്ങാടിയില്‍ സ്റ്റേഷനറി കച്ചവടം നടത്തുന്ന അബ്ദുസ്സലാം പുറംകണ്ടിയില്‍ എന്നയാളുടെ കടയില്‍നിന്ന് 174 പേക്കറ്റ് നിരോധിത പുകയില ഉല്‍പ്പന്നങ്ങളും 26 പാക്കറ്റ് ഹാന്‍സും ഉള്‍പ്പെടെയുള്ള നിരോധിത ഉല്‍പ്പന്നങ്ങളുമാണ് പിടികൂടിയത്.
അരീക്കോട് പോലിസ് ഇന്‍സ്‌പെക്ടര്‍ സി വി ലൈജുമോന്റെ നേതൃത്വത്തില്‍ നടത്തിയ തിരച്ചിലിലാണ് നിരോധിത ഉല്‍പന്നങ്ങള്‍ പിടിച്ചെടുത്തത്. കച്ചവടക്കാരനായ 'പ്രതിയെ അറസ്റ്റ് ചെയ്തു.' പരിശോധനയ്ക്ക് അരീക്കോട് പോലിസ് സബ് ഇന്‍സ്‌പെക്ടര്‍ അബ്ദുല്‍ അസീസ്, സിവില്‍ പോലിസ് ഓഫിസര്‍മാരായ ശാലീഷ് കുമാര്‍, രഞ്ജു അന്‍വര്‍ ഹുസൈന്‍ എന്നിവര്‍ നേതൃത്വം നല്‍കി.