തിരൂര്‍: ഏകസിവില്‍ കോഡിനെതിരെ പ്രത്യക്ഷ സമരം വേണ്ടെന്ന ലീഗ് നിലപാട് സ്വാഗതാര്‍ഹവും ശ്ളാഘനീയവുമാണെന്ന് ബി.ജെ.പി നേതാവ് എ ഗോപാലകൃഷ്ണന്‍. തിരൂരില്‍ മാധ്യമങ്ങളോട് സംസാരിക്കുകയായിരുന്നു അദ്ദേഹം. ലീഗിന് വേണ്ടിയുള്ള വടംവലിയാണ് സംസ്ഥാനത്ത് നടക്കുന്നതെന്നും നിയമത്തിന്റെ കരട് തയ്യാറാകുന്നതിന് മുമ്പ് തന്നെ വിവാദങ്ങള്‍ ഉയര്‍ത്തുകയാണെന്നും അദ്ദേഹം പറഞ്ഞു. മുസ്ലിം വിഭാഗങ്ങളുമായി ചര്‍ച്ച ചെയ്ത ശേഷമേ നിയമനിര്‍മ്മാണമുണ്ടാകൂവെന്നും അദ്ദേഹം വ്യക്തമാക്കി. മുസ്ലിം വിഭാഗത്തില്‍ നിന്നുള്ള സമ്മര്‍ദം ലീഗിനെ പിന്തുടരുന്നുണ്ടെന്നും ഗോപാലകൃഷ്ണന്‍ കൂട്ടിച്ചേര്‍ത്തു.ഏക സിവില്‍ കോഡ് വിഷയത്തില്‍ തെരുവിലിറങ്ങേണ്ടെന്ന ലീഗ് നിലപാടിനെയും ഗോപാലകൃഷ്ണന്‍ സ്വാഗതം ചെയ്തു.