പാലക്കാട്: പ്രായപൂര്‍ത്തിയാവാത്ത പെണ്‍കുട്ടിയെ പീഡിപ്പിച്ച ബിഎസ്എഫ് ജവാന്‍ ട്രെയിനി അറസ്റ്റിലായി. കുത്തനൂര്‍, മുപ്പുഴ, പെരുംപായയില്‍ പ്രസൂജാണ് (26)അറസ്റ്റിലായത്. പ്രതിക്ക് ജോലികിട്ടുന്നതിന് മുമ്പും ജോലി കിട്ടിയശേഷവും പ്രേമം നടിച്ചും വിവാഹ വാഗ്ദാനം നല്‍കിയുമാണ് പുതുപ്പരിയാരം സ്വദേശിയായ പെണ്‍കുട്ടിയെ പീഡിപ്പിച്ചത്. ഇപ്പോള്‍ അവധിക്ക് വന്നപ്പോള്‍ മറ്റൊരു വിവാഹം നിശ്ചയിച്ചതോടെയാണ് പെണ്‍കുട്ടി വിവരം വീട്ടില്‍ അറിയിക്കുന്നത്.
അമ്മ ഹേമാംബിക നഗര്‍ പോലിസില്‍ പരാതി നല്‍കി. പ്രസൂജിനെ കോടതിയില്‍ ഹാജരാക്കി റിമാന്‍ഡ് ചെയ്തു. ഡിവൈഎസ്പി പി സി ഹരിദാസിന്റെ നിര്‍ദേശം പ്രകാരം ഹേമാംബിക നഗര്‍ ഇന്‍സ്‌പെക്ടര്‍ എ സി വിപിന്റെ നേതൃത്വത്തില്‍ എസ്‌ഐ വി ഹേമലത, സീനിയര്‍ സിപിഒ ബി പ്രശോഭ്, സിപിഒമാരായ സി എന്‍ ബിജു, സി രാഹുല്‍, എ അരുണാഞ്ജലി എന്നിവരാണ് ഒളിവിലായിരുന്ന പ്രതിയെ പിടികൂടിയത്.