പാലക്കാട്: കനത്ത മഴയെത്തുടര്‍ന്ന് അട്ടപ്പാടിയിലും നെല്ലിയാമ്പതിയിലും മണ്ണിടിച്ചിലുണ്ടായി. രണ്ടിടത്തും റോഡ് ഗതാഗതം തടസ്സപ്പെട്ടു. അട്ടപ്പാടിയില്‍ കാരറഗൂളിക്കടവ് റോഡിലേക്കാണ് മണ്ണിടിഞ്ഞുവീണത്. ഇതുവഴിയുള്ള ഗതാഗതം തടസ്സപ്പെട്ടു. നാട്ടുകാരെത്തി മണ്ണ് നീക്കുകയാണ്. നെല്ലിയാമ്പതിയില്‍ കുണ്ടറചോലയ്ക്ക് സമീപമാണ് മണ്ണിടിച്ചിലുണ്ടായത്.
ശക്തമായ കാറ്റിലും മഴയിലുമാണ് രൂക്ഷമായ മണ്ണിടിച്ചിലുണ്ടായത്. നെല്ലിയാമ്പതിയിലും റോഡ് ഗതാഗതം തടസ്സപ്പെട്ടു. പാലക്കാട് ജില്ലയില്‍ കനത്ത മഴയാണ് പെയ്യുന്നത്. ഇന്ന് ജില്ലയില്‍ യെല്ലോ അലര്‍ട്ടാണ് പ്രഖ്യാപിച്ചിരിക്കുന്നത്. നാളെ ഓറഞ്ച് അലേര്‍ട്ടും പ്രഖ്യാപിച്ചിട്ടുണ്ട്. ശക്തമായ മഴ സംസ്ഥാനത്ത് തുടരുമെന്നാണ് കേന്ദ്ര കാലാവസ്ഥാ വകുപ്പിന്റെ മുന്നറിയിപ്പ്. ഇടുക്കിയില്‍ നാളെ റെഡ് അലര്‍ട്ട് പ്രഖ്യാപിച്ചു. കോട്ടയം, പാലക്കാട്, മലപ്പുറം ജില്ലകളില്‍ നാളെ ഓറഞ്ച് അലേര്‍ട്ടും പ്രഖ്യാപിച്ചിട്ടുണ്ട്.