പാലക്കാട്: കല്ലടിക്കോട് മാപ്പിള സ്‌കൂള്‍ കവലയ്ക്കു സമീപം ബൈക്കും സ്‌കൂട്ടറും കൂട്ടിയിടിച്ച് പുലാപ്പറ്റ കോണിക്കഴിയില്‍ ഹാര്‍ഡ്‌വെയര്‍ സ്‌റ്റോര്‍ നടത്തുന്ന വ്യാപാരി മരിച്ചു. കല്ലടിക്കോട് കാവുങ്കല്‍ അലിയാര്‍ (നാസര്‍ 63) ആണ് മരിച്ചത്. കടയടച്ച് വരുന്ന വഴി പുലാപറ്റ റോഡി നിന്നും ദേശീയ പാതയിലേയ്ക്ക് കയറുമ്പോള്‍ എതിരേ വന്ന സ്‌കൂട്ടര്‍ ഇടിക്കുകയായിരുന്നു.
ഇടിയുടെ ആഘാതത്തില്‍ റോഡിലേയ്ക്ക് തലയടിച്ചുവീണ നാസറിനെ മണ്ണാര്‍ക്കട്ടെ സ്വകാര്യാശുപത്രിയിലെത്തിച്ചെങ്കിലും ജീവന്‍ രക്ഷിക്കാനായില്ല. സ്‌കൂട്ടറിലുണ്ടായിരുന്ന കല്ലടിക്കോട് സ്വദേശി അജ്മലിനെ (19) തച്ചമ്പാറയിലെ സ്വകാര്യാശുപത്രിയില്‍ പ്രവേശിപ്പിച്ചു. പുലാപറ്റ നരിയമ്പാടത്ത് മിനാര്‍ ഹാര്‍ഡ്‌വെയര്‍ കട നടത്തുകയായിരുന്നു മരിച്ച നാസര്‍.
ഭാര്യമാര്‍: സൈനബ, നസീമ. മക്കള്‍: റഷീദ, നുസ്രത്ത്, ഷമീന, റാഫി, അന്‍സല്‍ന. മരുമക്കള്‍: റിയാസ്, നജീബ്, ഇസ്മായില്‍, ഷറഫുദ്ധീന്‍, ഷക്കീല.