തിരുവനന്തപുരം: നെയ്യാറ്റിന്‍കര മേലേ തെരുവ് ശ്രീ മുത്താരമ്മന്‍ കോവിലിലെ അമ്മന്‍കൊട മഹോത്സവത്തോടനുബന്ധിച്ച് ഏപ്രില്‍ 13ന് നെയ്യാറ്റിന്‍കര മുന്‍സിപാലിറ്റി പ്രദേശത്ത് ജില്ലാ കലക്ടര്‍ ഡോ. നവജ്യോത് ഖോസ പ്രാദേശിക അവധി പ്രഖ്യാപിച്ചു. പ്രദേശത്തെ എല്ലാ സര്‍ക്കാര്‍ സ്ഥാപനങ്ങള്‍ക്കും വിദ്യാഭ്യാസ സ്ഥാപനങ്ങള്‍ക്കും അവധി ബാധകമായിരിക്കും. മുന്‍നിശ്ചയിച്ചിട്ടുള്ള പൊതു പരീക്ഷകള്‍ക്കും പൊതു തിരഞ്ഞെടുപ്പുമായി ബന്ധപ്പെട്ടു പ്രവര്‍ത്തിക്കുന്ന സ്ഥാപനങ്ങള്‍ക്കും അവധി ബാധകമായിരിക്കില്ല.