സ്‌കൂട്ടറും ബൈക്കും കൂട്ടിയിടിച്ച് സ്‌കൂട്ടര്‍ യാത്രികനായ വയോധികന്‍ മരിച്ചു
മാള: കൊടുങ്ങല്ലൂര്‍- കൊടകര സംസ്ഥാന പാതയില്‍ കൃഷ്ണന്‍കോട്ടയില്‍ സ്‌കൂട്ടറും ബൈക്കും കൂട്ടിയിടിച്ച് സ്‌കൂട്ടര്‍ യാത്രികനായ വയോധികന്‍ മരിച്ചു. വലിയപറമ്പ് സ്വദേശി ഇല്ലത്തുപറമ്പില്‍ സുകുമാരന്‍ (67) ആണ് മരിച്ചത്. രാവിലെ കൊടുങ്ങല്ലൂര്‍ ടികെഎസ് പുരത്തുണ്ടായ ബൈക്കപകടത്തില്‍ മരിച്ച പൂപ്പത്തി സ്വദേശിയായ യുവാവിനെ കാണാന്‍ പോയ സൂഹൃത്തുക്കളുടെ ബൈക്കാണ് അപകടത്തില്‍പ്പെട്ട ബൈക്ക്.
ഗുരുതരമായി പരിക്കേറ്റ സുകുമാരനെ എറണാകുളം മെഡിക്കല്‍ ട്രസ്റ്റ് ആശുപത്രിയിലെത്തിച്ചെങ്കിലും മരിച്ചു. കോട്ടപ്പുറം ചന്തയില്‍ പരലചരക്ക് കട നടത്തുകയാണ് സുകുമാരന്‍. ഭാര്യ: രമ. മക്കള്‍: ശാരിക, രാധിക. മരുമക്കള്‍: രാജേഷ്, അരുണ്‍.