വയനാട്: മെയ് രണ്ടിന് നടക്കുന്ന നിയമസഭാ തിരഞ്ഞെടുപ്പ് വോട്ടെണ്ണലില്‍ പങ്കെടുക്കുന്ന മുഴുവന്‍ കൗണ്ടിങ് ഉദ്യോഗസ്ഥരും രാഷ്ട്രീയപാര്‍ട്ടികളുടെ ഏജന്റമാരും സ്ഥാനാര്‍ഥികളും ഇന്ന് ഉച്ചയ്ക്കു മുമ്പ് ആര്‍ടിപിസിആര്‍ ടെസ്റ്റ് നടത്തുകയോ അല്ലെങ്കില്‍ മെയ് ഒന്നിനകം ആന്റിജന് ടെസ്റ്റ് നടത്തുകയോ ചെയ്യണം.
മാനന്തവാടി ഗവ. യുപി സ്‌കൂള്‍, കല്‍പ്പറ്റ സെന്റ് ജോസഫ്‌സ് ഹൈസ്‌കൂള്‍, ബത്തേരി താലൂക്ക് ആശുപത്രി എന്നിവിടങ്ങളില്‍ പരിശോധനക്ക് സൗകര്യം ഒരുക്കിയതായി ജില്ലാ മെഡിക്കല്‍ ഓഫിസര്‍ അറിയിച്ചു. കൊവിഡ് വാക്‌സിനേഷന്‍ രണ്ട് ഡോസ് എടുത്തവര്‍ക്ക് പരിശോധന നടത്തേണ്ടതില്ല.
കൊവിഡ് പ്രോട്ടോകോള്‍ പാലിക്കുന്നതിന് തിരഞ്ഞെടുപ്പ് കമ്മീഷന്റെ കര്‍ശന നിര്‍ദേശപ്രകാരമാണ് നടപടി.
Counting of votes: Officials and agents should conduct Covid test today