കണ്ണൂര്: കണ്ണൂര് അന്താരാഷ്ട്ര വിമാനത്താവളത്തില് യാത്രക്കാരനില് നിന്നും 1400 ഗ്രാം സ്വര്ണം പിടികൂടി. നാദാപുരം സ്വദേശി കുമ്മങ്കോട് ചിറയില് റമീസില് നിന്നാണ് എയര് ഇന്റലിജന്സ് യൂണിറ്റ്, എയര് കസ്റ്റംസ്, ഉദ്യോഗസ്ഥര് സ്വര്ണം പിടികൂടിയത്. ഇതിന് 68 ലക്ഷം രൂപ വിലമതിക്കും.
അബുദബിയില് നിന്ന് എയര് ഇന്ത്യ ഫ്ളൈറ്റിലാണ് റമീസ് എത്തിയത്. സ്വര്ണം 12 പ്ലേറ്റുകളായി എമര്ജന്സി ലാമ്പില് ഒളിപ്പിച്ചാണ് എത്തിച്ചത്.