ഒമാന്‍ എയര്‍പോര്‍ട്ടുകള്‍ക്കുള്ളില്‍ പ്രവേശനം വാക്സിന് എടുത്തവര്‍ക്ക് മാത്രം
മസ്‌കറ്റ്: രാജ്യത്തെ എല്ലാ വിമാനത്താവളങ്ങളിലും പ്രവേശനം സെപ്റ്റംബര്‍ 1 മുതല്‍ വാക്‌സിനേഷന്‍ എുടത്തവര്‍ക്ക് മാത്രമായി പരിമിതപ്പെടുത്തുമെന്ന് ഒമാന്‍ വിമാനത്താവള അതോറിറ്റി സ്ഥിരീകരിച്ചു. സര്‍ക്കാര്‍ സ്ഥാപനങ്ങള്‍, ഷോപ്പിംഗ് മാളുകള്‍, റെസ്‌റ്റോറന്റുകള്‍ എന്നിവയുള്‍പ്പെടെയുള്ള പൊതു സ്ഥലങ്ങളില്‍ പ്രവേശിക്കാന്‍ പൗരന്മാര്‍ക്കും താമസക്കാര്‍ക്കും സുപ്രിം കമ്മിറ്റി നിര്‍ബന്ധിത പ്രതിരോധ കുത്തിവയ്പ്പ് ഏര്‍പ്പെടുത്തിയതിന് പിന്നാലെയാണ് തീരുമാനം.
ഈ തീരുമാനം 2021 സെപ്റ്റംബര്‍ 1 ബുധനാഴ്ച മുതല്‍ പ്രാബല്യത്തില്‍ വരും. ഇതില്‍ എല്ലാ ഒമാന്‍ എയര്‍പോര്‍ട്ട് ജീവനക്കാരും യാത്രക്കാര്‍ക്കും ബാധകമായിരിക്കും.