പറമ്പിലൂടെ വഴി വെട്ടാനുള്ള ശ്രമം തടഞ്ഞതിനെ തുടര്‍ന്ന് യുവതിക്ക് നേരെ ആക്രമണം
കൊളാവി പാലം സ്വദേശി ലിഷക്കാണ് പരിക്കേറ്റത്
കോഴിക്കോട്: ഇരിങ്ങലില്‍ പറമ്പിലൂടെ വഴി വെട്ടാനുള്ള ശ്രമം തടഞ്ഞതിനെ തുടര്‍ന്ന് യുവതിക്ക് നേരെ ആക്രമണം. ഇന്ന് രാവിലെയാണ് സംഭവം. കൊളാവി പാലം സ്വദേശി ലിഷക്കാണ് പരിക്കേറ്റത്. ലിഷക്ക് തലക്കാണ് പരിക്കേറ്റത്. ഇവരെ കോഴിക്കോട് മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു. നിരവധി തുന്നലുകളിട്ടിട്ടുണ്ട്.
ലിഷയുടെ മൊഴിയെടുത്ത ശേഷം കേസ് രജിസ്റ്റര്‍ ചെയ്യുമെന്ന് പയ്യോളി പോലിസ് അറിയിച്ചു. പോലിസെത്തിയാണ് യുവതിയെ ആശുപത്രിയില്‍ പ്രവേശിപ്പിച്ചത്.