കൊവിഡ് 19: പെരിന്തല്‍മണ്ണ സ്വദേശിയായ ഡോക്ടര്‍ ലണ്ടനില്‍ മരിച്ചു
പെരിന്തല്‍മണ്ണ പൊന്ന്യാകുര്‍ശി സ്വദേശിയായ ഡോക്ടര്‍ പച്ചീരി ഹംസ (80) ആണ് മരിച്ചത്.
പെരിന്തല്‍മണ്ണ: കൊവിഡ് 19 ബാധിച്ചു പത്തു ദിവസത്തോളമായി ലണ്ടനിലെ വെസ്റ്റ് മിഡ്‌ലാന്റിലെ ആശുപത്രിയില്‍ ചികിത്സയിലായിരുന്ന പെരിന്തല്‍മണ്ണ പൊന്ന്യാകുര്‍ശി സ്വദേശിയായ ഡോക്ടര്‍ പച്ചീരി ഹംസ (80) ആണ് മരിച്ചത്.
മരിച്ചു. 80 വയസ്സായിരുന്നു. വര്‍ഷങ്ങളോളം ലണ്ടനില്‍ സര്‍ക്കാര്‍ സര്‍വീസില്‍ ഡോക്ടറായി ജോലി ചെയ്ത ഇദ്ദേഹം വിരമിച്ച ശേഷം് വിശ്രമ ജീവിതത്തിലായിരുന്നു. ലണ്ടനിലുള്ള ഇദ്ദേഹത്തിന്റെ ഭാര്യ കൊവിഡ് 19 നിരീക്ഷണത്തിലാണ്.
നിലവിലെ സാഹചര്യത്തില്‍ നിയമ നടപടികള്‍ പൂര്‍ത്തിയാക്കിയ ശേഷം ഖബറടക്കം ലണ്ടനില്‍ തന്നെ നടത്തും. ഭാര്യ: റോസ്‌ന (കോയമ്പത്തൂര്‍) മക്കള്‍: ഷബ്‌നം, സക്കീര്‍. പരേതനായ പച്ചീരി അയമുട്ടിയുടെ മകനാണ് ഡോക്ടര്‍ ഹംസ