കല്‍പ്പറ്റ: വയനാട് ജില്ലയില്‍ ഇന്ന് 444 പേര്‍ക്ക് കൂടി കൊവിഡ് സ്ഥിരീകരിച്ചതായി ജില്ലാ മെഡിക്കല്‍ ഓഫിസര്‍ ഡോ. ആര്‍ രേണുക അറിയിച്ചു. 291 പേര്‍ രോഗമുക്തി നേടി. 4 ആരോഗ്യ പ്രവര്‍ത്തകര്‍ ഉള്‍പ്പെടെ എല്ലാവര്‍ക്കും സമ്പര്‍ക്കത്തിലൂടെയാണ് രോഗബാധ. ജില്ലയിലെ ടെസ്റ്റ് പോസിറ്റിവിറ്റി റേറ്റ് 17.5 ആണ്.
ഇതോടെ ജില്ലയില്‍ ഇതുവരെ കോവിഡ് സ്ഥിരീകരിച്ചവരുടെ എണ്ണം 128235 ആയി. 124963 പേര്‍ രോഗമുക്തരായി. നിലവില്‍ 2260 പേരാണ് ചികിത്സയിലുള്ളത്. ഇവരില്‍ 2121 പേര്‍ വീടുകളിലാണ് ഐസൊലേഷനില്‍ കഴിയുന്നത്.
രോഗം സ്ഥിരീകരിച്ചവര്‍
പനമരം 31, കല്‍പ്പറ്റ, കോട്ടത്തറ 27 വീതം, മാനന്തവാടി, മീനങ്ങാടി, മേപ്പാടി 25 വീതം, നെന്മേനി, വൈത്തിരി 24 വീതം, പൂതാടി 23, വെള്ളമുണ്ട 22, ബത്തേരി 21, കണിയാമ്പറ്റ, മുട്ടില്‍, തൊണ്ടര്‍നാട് 20 വീതം, പടിഞ്ഞാറത്തറ 16, അമ്പലവയല്‍, പുല്‍പ്പള്ളി, തവിഞ്ഞാല്‍ 15 വീതം, പൊഴുതന 13, എടവക 12, മുള്ളന്‍കൊല്ലി 8, മൂപ്പൈനാട്, വെങ്ങപ്പള്ളി 5 വീതം, നൂല്‍പ്പുഴ 4, തരിയോട് 2 പേര്‍ക്കുമാണ് സമ്പര്‍ക്കത്തിലൂടെ രോഗം സ്ഥിരീകരിച്ചത്.
1073 പേര്‍ പുതുതായി നിരീക്ഷണത്തില്‍
കോവിഡുമായി ബന്ധപ്പെട്ട് ജില്ലയില്‍ ഇന്ന് പുതുതായി നിരീക്ഷണത്തിലായത് 1073 പേരാണ്. 963 പേര്‍ നിരീക്ഷണകാലം പൂര്‍ത്തിയാക്കി. നിലവില്‍ നിരീക്ഷണത്തിലുള്ളത് 9790 പേര്‍. ജില്ലയില്‍ നിന്ന് 1557 സാമ്പിളുകളാണ് ഇന്ന് പരിശോധനയ്ക്ക് അയച്ചത്. ഇതുവരെ 846282 സാമ്പിളുകള്‍ പരിശോധനയ്ക്ക് വിധേയമാക്കി. ഇതില്‍ 844012 എണ്ണത്തിന്റെ ഫലം ലഭിച്ചു. ഇതില്‍ 715777 പേര്‍ നെഗറ്റീവും 128235 പേര്‍ പോസിറ്റീവുമാണ്.