കിഴിശ്ശേരി: മകളുടെ വിവാഹ നിശ്ചയ ദിവസം പിതാവ് കുഴഞ്ഞ് വീണ് മരിച്ചു. കാലിക്കറ്റ് സര്‍വകലാശാല ഗണിത വിഭാഗം മുന്‍ മേധാവിയും സ്‌കൂള്‍ ഓഫ് മാത്തമാറ്റിക്കല്‍ ആന്റ് കംപ്യൂട്ടേഷനല്‍ സയന്‍സസ് ഡയറക്ടറുമായിരുന്ന കുഴിമണ്ണ മേലേ കിഴിശ്ശേരി തങ്കം വീട്ടില്‍ ഡോ. പി ടി രാമചന്ദ്രന്‍(62) ആണ് മരിച്ചത്. മൂത്തമകള്‍ മകള്‍ ഡോ. ആതിരയുടെ വിവാഹ നിശ്ചയത്തിനുള്ള ഒരുക്കങ്ങള്‍ക്കിടെ വ്യാഴാഴ്ച രാവിലെ ഒമ്പതോടെ കുഴഞ്ഞ് വീഴുകയായിരുന്നു. രണ്ടു തവണ കാലിക്കറ്റ് സര്‍വകലശാലയുടെയും കുസാറ്റിന്റെയും സെനറ്റ് അംഗമായിരുന്നു. കാലിക്കറ്റ് സര്‍വകലശാല എന്‍ജിനിയറിങ് കോളജ് മുന്‍ പ്രിന്‍സിപ്പല്‍ പി ജയയാണ് ഭാര്യ. മക്കള്‍: ഡോ. ആതിര(എയിംസ്, ഭോപ്പാല്‍), ചിത്തിര(എന്‍ജിനീയര്‍, ബാംഗ്ലൂര്‍). സഹോദരിമാര്‍: പി ടി ഇന്ദിര, പി ടി വിജയലക്ഷ്മി.
Daughter's engagement day, father collapsed and died