കോട്ടയം: മറിയപ്പള്ളിയില്‍ വീടിനുള്ളില്‍ അമ്മയുടെയും മകന്റെയും മൃതദേഹം കണ്ടെത്തി. മറിയപ്പള്ളി മുട്ടം സ്വദേശി രാജമ്മ(85) മകന്‍ സുഭാഷ്(55) എന്നിവരാണ് മരിച്ചത്. മരിച്ച രണ്ടുപേരെ കൂടാതെ രാജമ്മയുടെ മറ്റൊരു മകന്‍ മധുവും ഈ വീട്ടിലാണ് താമസം. ഇന്നു രാവിലെ മധു ഉറക്കമെണീറ്റ് നോക്കിയപ്പോള്‍ ഇരുവരും മരിച്ചുകിടക്കുകയായിരുന്നു.
ഇയാള്‍ വിവരമറിച്ചതിനെ തുടര്‍ന്നാണ് പോലിസ് സ്ഥലത്തെത്തി പരിശോധന നടത്തിയത്. രാജമ്മ ഏറെക്കാലമായി കിടപ്പിലാണ്. സുഭാഷിന് മറ്റ് ആരോഗ്യപ്രശ്‌നങ്ങളുണ്ടായിരുന്നില്ല. സംഭവത്തിന് പിന്നില്‍ എന്തെങ്കിലും ദുരൂഹതയുണ്ടോയെന്നു പോസ്റ്റ്‌മോര്‍ട്ടം റിപോര്‍ട്ട് ലഭിച്ചശേഷമേ വ്യക്തമാകൂവെന്നു പോലിസ് അറിയിച്ചു.