കോഴിക്കോട്: ഇരട്ടവോട്ട് തടയാന്‍ ബൂത്ത് ഏജന്റുമാര്‍ക്ക് സംരക്ഷണം നല്‍കണമെന്ന് പ്രതിപക്ഷ നേതാവ് രമേശ് ചെന്നിത്തല. ഈ ആവശ്യമുന്നയിച്ച് തിരെഞ്ഞെടുപ്പ് കമ്മീഷന് കത്ത് നല്‍കി. ബൂത്ത് ഏജന്റുമാരുടെ സംരക്ഷണത്തിന് കേന്ദ്രസേനയെ നിയോഗിക്കണമെന്ന ഹൈക്കോടതി വിധി പാലിക്കാന്‍ നടപടിയെടുക്കണമെന്നും ചെന്നിത്തല ആവശ്യപ്പെട്ടു. 140 നിയോജക മണ്ഡലങ്ങളിലേയും യുഡിഎഫ് സ്ഥാനാര്‍ഥികള്‍ സംരക്ഷണം ആവശ്യമുള്ള ബൂത്തുകളുടെ ലിസ്റ്റ് തയ്യാറാക്കുന്നുണ്ട്.
ജില്ലാ കലക്ടര്‍മാര്‍ക്ക് ഈ പട്ടിക കൈമാറും. ഇതില്‍ പറയുന്ന ബൂത്തുകളിലെ ഏജന്റുമാര്‍ക്ക് കേന്ദ്ര സേനയുടെ സംരക്ഷണം ഉറപ്പാക്കണമെന്നും പ്രതിപക്ഷ നേതാവ് ആവശ്യപ്പെട്ടു.