നിലമ്പൂര്‍: രാജ്യറാണി എക്‌സ്പ്രസില്‍ ബുധനാഴ്ച രാത്രി സര്‍വിസോടെ ജനറല്‍ കമ്പാര്‍ട്ട്‌മെന്റ് പുനസ്ഥാപിച്ചു.സ്ത്രീകള്‍ക്കുള്‍പ്പെടെ നാല് ജനറല്‍ കോച്ചുകളാണ് അനുവദിച്ചത്.
എട്ട് സ്ലീപ്പര്‍, രണ്ട് എസി എന്നിങ്ങനെയാണ് മറ്റ് കോച്ചുകള്‍.നിലമ്പൂര്‍, വാണിയമ്പലം, അങ്ങാടിപ്പുറം എന്നിവിടങ്ങളില്‍ മാത്രമാണ് സ്‌റ്റോപ്. ഈ മാസം അവസാനത്തോടെ എല്ലാ സ്‌റ്റേഷനുകളിലും നിര്‍ത്തുന്ന വിധത്തില്‍ സര്‍വിസ് ക്രമീകരിക്കുമെന്ന് റെയില്‍വേ അറിയിച്ചിട്ടുണ്ട്. കൊച്ചുവേളിയില്‍ നിന്ന് രാത്രി 8.45ന് നിലമ്പൂരിലേക്കും നിലമ്പൂരില്‍നിന്ന് രാത്രി 9.30ന് കൊച്ചുവേളിയിലേക്കുമാണ് രാജ്യറാണി സര്‍വിസ് നടത്തുന്നത്.