കരിപ്പൂര്‍ വിമാനത്താവളത്തില്‍ സ്വര്‍ണ വേട്ട; 40 ലക്ഷം രൂപയുടെ സ്വര്‍ണം പിടികൂടി
ജിദ്ദയില്‍ നിന്നെത്തിയ തിരുവനന്തപുരം സ്വദേശിയില്‍ നിന്ന് 40 ലക്ഷം രൂപ വില വരുന്ന 914 ഗ്രാം സ്വര്‍ണം എയര്‍ കസ്റ്റംസ് ഇന്റലിജന്റ്‌സ് വിഭാഗം പിടികൂടി.
കൊണ്ടോട്ടി: കരിപ്പൂര്‍ വിമാനത്താവളത്തില്‍ വീണ്ടും സ്വര്‍ണ്ണ വേട്ട. ജിദ്ദയില്‍ നിന്നെത്തിയ തിരുവനന്തപുരം സ്വദേശിയില്‍ നിന്ന് 40 ലക്ഷം രൂപ വില വരുന്ന 914 ഗ്രാം സ്വര്‍ണം എയര്‍ കസ്റ്റംസ് ഇന്റലിജന്റ്‌സ് വിഭാഗം പിടികൂടി. 22കാരനായ അശ്‌ലര്‍ ആണ് പിടിയിലായത്.
മിശ്രിത സ്വര്‍ണം കാപ്‌സ്യൂള്‍ രൂപത്തിലുള്ള നാല് പാക്കുകളിലാക്കി ശരീരത്തില്‍ ഒളിപ്പിച്ചാണ് ഇയാള്‍ കടത്തിയിരുന്നത്. സലാം എയറിലാണ് ഇയാള്‍ എത്തിയത്. കസ്റ്റംസ് പരിശോധനയിലാണ് ഇയാളില്‍ നിന്ന് സ്വര്‍ണ്ണം കണ്ടെത്തിയത്.