കോഴിക്കോട്: പാണക്കാട് ഹൈദരലി തങ്ങള്‍ ന്യൂനപക്ഷ പിന്നോക്ക ജനവിഭാഗങ്ങളുടെ ഒരുമയുടെ അമരക്കാരനായിരുന്നുവെന്ന് മെക്ക സംസ്ഥാന ജന:സെക്രട്ടറി എന്‍.കെ അലി. സമുദായ സ്‌നേഹത്തിന്റെയും ഐക്യത്തിന്റെയും ഉത്തമ മാതൃകയായിരുന്നു അദ്ദേഹം.
മുസ്‌ലിം സംഘടനകളുടേയും പ്രസ്ഥാനങ്ങളുടേയും കൂട്ടായ്മയുടെ നന്മമരം, ജനാധിപത്യ മതേതര രാഷ്ട്രീയ ചേരിക്ക് സര്‍വ്വസമ്മതന്‍, മഹത്തായ ആദര്‍ശപ്രസ്ഥാനങ്ങളുടെ ആശയുടെ സാരഥി എന്നീ നിലകളിലുള്ള സേവന പരമ്പരയുടെ അപരിഹാര്യമായ തീരാനഷ്ടമാണ് തങ്ങളുടെ വേര്‍പാട്. മെക്കയെ സംബന്ധിച്ചിത്തോളം കനത്ത നഷ്ടവും അഭയകേന്ദ്രവുമാണ് നഷ്ടമായിരിക്കുന്നത്. അദ്ദേഹത്തിന്റെ നിര്യാണം കേരള ജനതക്ക് എല്ലാ അര്‍ത്ഥത്തിലും തീരാ നഷ്ടമാണെന്ന് എന്‍.കെ അലി അനുശോചന സന്ദേശത്തില്‍ അറിയിച്ചു.