കരുനാഗപ്പള്ളിയിൽ യുവതിയെ കാണാനില്ലെന്ന് പരാതി; അന്വേഷണം ഊർജ്ജിതമാക്കി പോലിസ്

കൊല്ലം: കരുനാഗപ്പള്ളി ആലപ്പാട് യുവതിയെ കാണാനില്ലെന്ന് പരാതി. കുഴിത്തുറ സ്വദേശി ഐശ്വര്യ അനിലിനെ (20) ആണ് കാണാതായത്. നവംബർ 18 മുതൽ യുവതിയെ കാണാനില്ലെന്ന് കാട്ടി മാതാവ് കരുനാഗപ്പള്ളി പോലിസിൽ പരാതി നൽകി. പോലിസ് അന്വേഷണം ആരംഭിച്ചു.18ാം തീയതി രാവിലെ 10 മണി വരെ യുവതി വീട്ടിലുണ്ടായിരുന്നുവെന്നാണ് വിവരം. ജോലി സ്ഥലത്തെത്തിയ മാതാവ് വീട്ടിലേക്ക് വിളിച്ചപ്പോൾ മറുപടിയൊന്നും ലഭിച്ചില്ല. ഇതിനെ തുടർന്ന് അയൽ വാസികളുമായി ബന്ധപ്പെട്ടപ്പോഴാണ് വീട്ടിൽ ആരുമില്ലെന്ന് മനസിലായത്. തുടർന്ന് പോലിസിൽ പരാതി നൽകുകയായിരുന്നു.പത്ത് മണിക്ക് മാതാവ് ജോലിക്ക് പോയതിന് പിന്നാലെ 10.30ഓടെ വീട്ടിലേക്ക് വിളിച്ചെങ്കിലും പ്രതികരണമുണ്ടായില്ല. തുടർന്ന് അയൽവാസികളെ വിളിച്ചെങ്കിലും വീട്ടിൽ ആരുമില്ല എന്ന മറുപടിയാണ് ലഭിച്ചത്. തുടർന്ന് ബന്ധുക്കൾ പരാതി നൽകുകയായിരുന്നു.

പ്ലസ്ടു പഠനത്തിന് ശേഷം വീട്ടിലിരുന്ന് തന്നെ നീറ്റിന് തയ്യാറെടുക്കുകയായിരുന്നു യുവതി. വീട്ടിൽ മറ്റ്  പ്രശ്‌നങ്ങളൊന്നുമുണ്ടായിരുന്നില്ലെന്നാണ് കു ടുംബം പറയുന്നത്.