കോഴിക്കോട് ജില്ലക്കു പുറത്തുപോയി വരുന്നവര്‍ കൊവിഡ് നിയന്ത്രണ സെല്ലില്‍ അറിയിക്കണം
കൊവിഡ് പോസിറ്റീവ് ആയവരുമായി ഏതെങ്കിലും വിധത്തില്‍ സമ്പര്‍ക്കമുണ്ടായാല്‍ ആ വിവരവും സെല്ലില്‍ അറിയിക്കണം.
കോഴിക്കോട്: വിദേശങ്ങളില്‍ നിന്നോ മറ്റ് സംസ്ഥാനങ്ങളില്‍ നിന്നോ സമൂഹവ്യാപനസാധ്യതയുള്ള ജില്ലകളില്‍ നിന്നോ വരുന്നവര്‍ ഉടന്‍ തന്നെ ജില്ലാ കൊവിഡ് നിയന്ത്രണസെല്ലില്‍ വിവരം അറിയിക്കണമെന്ന് ജില്ലാ മെഡിക്കല്‍ ഓഫീസര്‍ അറിയിച്ചു. കൊവിഡ് പോസിറ്റീവ് ആയവരുമായി ഏതെങ്കിലും വിധത്തില്‍ സമ്പര്‍ക്കമുണ്ടായാല്‍ ആ വിവരവും സെല്ലില്‍ അറിയിക്കണം. കൊവിഡ് നിയന്ത്രണ പ്രവര്‍ത്തനങ്ങളുടെ ഭാഗമായി ജില്ലയില്‍ പ്രവര്‍ത്തിക്കുന്ന നിയന്ത്രണ സെല്ലിന്റെ സേവനം 24 മണിക്കൂറും ലഭ്യമാണ്. കൊവിഡ് സംബന്ധമായി കൂടുതല്‍ അറിയുന്നതിനും സംശയ നിവാരണത്തിനും 04952371471, 04952376063 നമ്പറുകളില്‍ ബന്ധപ്പെടാം.