മാള: മാള പ്രസ് ക്ലബ്ബിന്റെ ആഭിമുഖ്യത്തില്‍ ഈദ് സമ്മാനവിതരണവും വനിതാ എസ്‌ഐക്ക് ആദരവും സംഘടിപ്പിച്ചു. ജില്ലയിലെ ആദ്യത്തെ വനിതാ പ്രിന്‍സിപ്പല്‍ എസ് ഐയായി മാള പോലിസ് സ്‌റ്റേഷനില്‍ ചാര്‍ജ്ജെടുത്ത രമ്യ കാര്‍ത്തികേയനെയാണ് ആദരിച്ചത്. മാള ബ്ലോക്ക് പഞ്ചായത്ത് പ്രസിഡന്റ് സന്ധ്യ നൈസന്‍ ചടങ്ങ് ഉദ്ഘാടനം ചെയ്തു. പ്രസ് ക്ലബ്ബ് പ്രസിഡന്റ് ഷാന്റി ജോസഫ് തട്ടകത്ത് അദ്ധ്യക്ഷത വഹിച്ചു. മാള എസ്‌ഐ രമ്യ കാര്‍ത്തികേയനെ ബ്ലോക്ക് പഞ്ചായത്ത് പ്രസിഡന്റ് സന്ധ്യ നൈസന്‍ ആദരിച്ചു.
പ്രസ് ക്ലബ് മുന്‍ പ്രസിഡന്റ് എ ജി മുരളീധരന്‍, മുന്‍ ട്രഷറര്‍ സി ആര്‍ പുരുഷോത്തമന്‍, മുന്‍ സെക്രട്ടറി പി കെ അബ്ബാസ്, ജോ. സെക്രട്ടറി നജീബ് അന്‍സാരി, കടലായി ശ്രീധരന്‍, ദീപു എന്‍ മംഗലം തുടങ്ങിയവര്‍ സംസാരിച്ചു. എസ് ഐ രമ്യ കാര്‍ത്തികേയന്‍, ദീപു എന്‍ മംഗലം, റിയാസ് ബാബു എന്നിവര്‍ ഗ്രന്ഥശാലയിലേക്ക് പുസ്തകങ്ങള്‍ കൈമാറി. ഇ സി ഫ്രാന്‍സിസ്, കെ എം ബാവ, സലീം എരവത്തൂര്‍, അമേഷ്, കൃഷ്ണദാസ് തുടങ്ങിയവര്‍ സംബന്ധിച്ചു.
സെക്രട്ടറി ഇ പി രാജീവ് സ്വാഗതവും വൈസ് പ്രസിഡന്റ് അജയ് ഇളയത് നന്ദിയും പറഞ്ഞു.