മുംബൈ: മഹാരാഷ്ട്രയിലെല്‍ ഗോഡൗണില്‍ വന്‍ തീപ്പിടിത്തം. താനെയിലെ മുബ്രയില്‍ ഖാന്‍ കോമ്പൗണ്ടിലുള്ള ഗോഡൗണില്‍ ഞായറാഴ്ച രാത്രിയോടെയാണ് തീപ്പിടിത്തമുണ്ടായത്. താനെ മുനിസിപ്പല്‍ കോര്‍പറേഷന്റെ (ടിഎംസി) റീജ്യനല്‍ ഡിസാസ്റ്റര്‍ മാനേജ്‌മെന്റ് ഫോഴ്‌സിന്റെ (ആര്‍ഡിഎംസി) റിപോര്‍ട്ട് പ്രകാരം മൂന്ന് കാര്‍ഡ്‌ബോര്‍ഡ് ഗോഡൗണുകളിലാണ് തീപ്പിടിച്ചത്.
#WATCH | Maharashtra: A massive fire broke out at a godown in the Mumbra area of Thane city. 4 fire tenders & Mumbra police team on the spot. pic.twitter.com/njHhV1OEbh
— ANI (@ANI) October 16, 2022
പോലിസിന്റെയും അഗ്‌നിശമനസേനയുടെയും ശ്രമഫലമായി തീയണച്ചു. അപകടത്തില്‍ ആര്‍ക്കും പരിക്കേറ്റിട്ടില്ലെന്നാണ് ആര്‍ഡിഎംസി അധികൃതര്‍ അറിയിച്ചത്. അപകടകാരണം വ്യക്തമല്ല. ഏകദേശം രണ്ട് മണിക്കൂറിന് ശേഷമാണ് തീ നിയന്ത്രണവിധേയമായത്. അതേസമയം, തീ പൂര്‍ണമായും അണയ്ക്കാനായിട്ടില്ല. ഫയര്‍ഫോഴ്‌സ് ടീം അതിനുള്ള ശ്രമത്തിലാണ്- ആര്‍ഡിഎംസി മേധാവി അവിനാഷ് സാവന്ത് പറഞ്ഞു.