തൃശൂര്‍: സഹകരണ വകുപ്പിന് കീഴിലുള്ള സംസ്ഥാന സഹകരണ യൂനിയന്റെ നെയ്യാര്‍ഡാമില്‍ ഉള്ള കേരള ഇന്‍സ്റ്റിറ്റിയൂട്ട് ഓഫ് കോപ്പറേറ്റീവ് മാനേജ്‌മെന്റില്‍ (കിക്മ) 2022-24 എം.ബി.എ. (ഫുള്‍ടൈം) ബാച്ചിലേക്ക്
സ്‌പോട്ട് അഡ്മിഷന്‍ ഇന്റര്‍വ്യൂ നടത്തുന്നു.
ജൂലൈ 26ന് രാവിലെ 10 മണി മുതല്‍ 12.30 വരെ ചുങ്കം അയ്യന്തോളിലെ പ്രൊഫസര്‍ ജോസഫ് മുണ്ടശ്ശേരി മെമ്മോറിയല്‍ കോപ്പറേറ്റീവ് ട്രെയിനിംഗ് സെന്ററിലാണ് ഇന്റര്‍വ്യൂ. ഡിഗ്രിക്ക് 50% മാര്‍ക്കാണ് അടിസ്ഥാന യോഗ്യത. ഇതുവരെ അപേക്ഷാഫോം സമര്‍പ്പിക്കാത്തവര്‍ക്കും ഇന്റര്‍വ്യൂവില്‍ പങ്കെടുക്കാം. സഹകരണ ജീവനക്കാരുടെ ആശ്രിതര്‍ക്ക് 20 ശതമാനം സീറ്റ് സംവരണം ചെയ്തിട്ടുണ്ട്. എസ് സി/ എസ് ടി വിഭാഗങ്ങള്‍ക്ക് സര്‍ക്കാര്‍ യൂണിവേഴ്‌സിറ്റി നിബന്ധനകള്‍ക്ക് വിധേയമായി ഫീസ് ആനുകൂല്യം ലഭ്യമാകും. ഡിഗ്രി അവസാന വര്‍ഷ ഫലം കാത്തിരിക്കുന്നവര്‍ക്കും ഇന്റര്‍വ്യൂവില്‍ പങ്കെടുക്കാം. കൂടുതല്‍ വിവരങ്ങള്‍ക്ക് 9288130094/8547618290 വെബ്‌സൈറ്റ് www.kicma.ac.in.