കെയ്‌റോ: ആഫ്രിക്കന്‍ കപ്പ് ഓഫ് നാഷണ്‍സില്‍ ഈജിപ്തിന് തിരിച്ചടി. അവരുടെ പ്രധാന താരങ്ങളില്‍ ഒരാളായ ലിവര്‍പൂള്‍ താരം മുഹമ്മദ് സലായ്ക്ക് പരിക്കേറ്റു. ഇന്നലെ ഘാനക്ക് എതിരായ ഗ്രൂപ്പിലെ രണ്ടാം മത്സരത്തിന് ഇടയിലാണ് സലായ്ക്ക് പരിക്കേറ്റത്.2-2ന് അവസാനിച്ച മത്സരത്തില്‍ ആദ്യ പകുതിയുടെ അവസാനം ആണ് സലാ പരിക്കേറ്റ് കളം വിട്ടത്.
മൊ സലാ ഇനി ഗ്രൂപ്പില്‍ അവസാന മത്സരം കളിക്കാന്‍ സാധ്യതയില്ല. ഗ്രൂപ്പിലെ ആദ്യ രണ്ട് മത്സരങ്ങളിലും സമനില വഴങ്ങിയ ഈജിപ്ത് ഇപ്പോള്‍ പരുങ്ങലിലാണ്. അവസാന മത്സരത്തില്‍ അവര്‍ കാബി വെര്‍ദെയെ തോല്‍പ്പിക്കേണ്ടി വരും. പ്രീമിയര്‍ ലീഗില്‍ ഒന്നാം സ്ഥാനത്ത് തുടരുന്ന ലിവര്‍പൂളിനെയും സലായുടെ പരിക്ക് സാരമായി ബാധിക്കും. താരം എത്ര ദിവസം പുറത്തിരിക്കേണ്ടിവരുമെന്ന് കോച്ച് റുയി വിറ്റോറിയ ഉടന്‍ അറിയിക്കും.