മത്ര: ലോക്ക് ഡൗണ്‍ മൂലം ദുരിതമനുഭവിക്കുന്ന മത്ര സൂഖിലെ മലയാളികള്‍ക്ക് സോഷ്യല്‍ ഫോറം മത്ര, പെരുന്നാള്‍ കിറ്റുകള്‍ വിതരണം ചെയ്തു. അഞ്ചു മാസത്തോളമായി അടഞ്ഞു കിടക്കുന്ന മത്ര സൂഖിലെ തൊഴിലാളികള്‍ക്ക് ഇത് വലിയ തുണയായി.
ലോക്ക് ഡൗണ്‍ തുടക്കം മുതലേ സോഷ്യല്‍ ഫോറം ഒമാന്റെ ഇടപെടലുകള്‍ പ്രത്യേക ശ്രദ്ധ പിടിച്ചു പറ്റിയിരുന്നു. റമളാനിലും ചെറിയ പെരുന്നാളിനും കൃത്യമായി ഇടപെടാന്‍ സോഷ്യല്‍ ഫോറം മത്ര ഘടകത്തിന് സാധിച്ചു.
ഒരു മാസത്തേക്ക് ആവശ്യമായ അവശ്യ വസ്!തുക്കള്‍ അടങ്ങുന്ന കിറ്റുകള്‍, രോഗികള്‍ക്ക് ആവശ്യമായ മരുന്നുകള്‍, അര്‍ഹരായ തെരഞ്ഞെടുത്ത ചിലരുടെ നാട്ടിലെ കുടുംബങ്ങള്‍ക്ക് വേണ്ട സഹായം,മാനസിക സമ്മര്‍ദ്ദം അനുഭവിക്കുന്നവര്‍ക്കുള്ള കൗണ്‍സലിംഗ് കോള്‍ സെന്ററുകള്‍ തുടങ്ങിയവയും ഏര്‍പ്പെടുത്തി.