ഞങ്ങളുടെ ലക്ഷ്യം വിശാല ജൂത രാഷ്ട്രം; നയം ആവര്‍ത്തിച്ച് ഇസ്രായേല്‍ ധനകാര്യമന്ത്രി
ജറുസലേം മുതല്‍ ദമസ്‌കസ് വരെ വ്യാപിച്ചു കിടക്കുന്ന വിശാല ജൂത രാഷ്ട്രമാണ് തങ്ങള്‍ ലക്ഷ്യംവെക്കുന്നതെന്ന് ഇസ്രായേല്‍ ധനകാര്യമന്ത്രി ബെസാലെല്‍ സ്മോട്രിച്ച്
ജറുസലേം: ജറുസലേം മുതല്‍ ദമസ്‌കസ് വരെ വ്യാപിച്ചു കിടക്കുന്ന വിശാല ജൂത രാഷ്ട്രമാണ് തങ്ങള്‍ ലക്ഷ്യംവെക്കുന്നതെന്ന് ഇസ്രായേല്‍ ധനകാര്യമന്ത്രി ബെസാലെല്‍ സ്മോട്രിച്ച്. ആര്‍ട്ട് ടിവി ചാനല്‍ സംപ്രേഷണം ചെയ്ത ഡോക്യുമെന്ററിയിലാണ് സ്മോട്രിച്ചിന്റെ പ്രസ്ഥാവന.
''ഞാന്‍ ഒരു ജൂതരാഷ്ട്രം ആഗ്രഹിക്കുന്നുണ്ട്. ജൂത ജനതയുടെ മൂല്യങ്ങള്‍ക്ക് അനുസരിച്ച് പ്രവര്‍ത്തിക്കുന്ന രാഷ്ട്രമാണ് എന്റെ ലക്ഷ്യം. അത് എളുപ്പം നടക്കുന്ന ഒരു പ്രക്രിയ അല്ല. ജറുസലേം മുതല്‍ ദമാസ്‌കസ് വരെ വിശാലമായതായിരിക്കും, അതിനാല്‍ തന്നെ അത് സങ്കീര്‍ണതകളേറിയതാണ്'' സ്മോട്രിച്ച് പറഞ്ഞു. ഫലസ്തീന്റെ മുഴുവന്‍ ഭൂപ്രദേശം ജോര്‍ദാന്‍, സിറിയ, ലബനാന്‍, ഇറാഖ്, ഈജിപ്ത് രാജ്യങ്ങളുടെ വിവിധ പ്രദേശങ്ങളും സൗദി അറേബ്യയുടെ ഭാഗം തുടങ്ങിയവ ഉള്‍ക്കൊള്ളുന്നതാണ് സ്മോട്രിച്ചിന്റെ ജൂത രാഷ്ട്രം എന്ന സങ്കല്‍പ്പം.