പുണെ: സ്‌കൂളില്‍നിന്ന് 'ഗുഡ് ടച്ചും ബാഡ് ടച്ചും' തിരിച്ചറിഞ്ഞ 13കാരിയില്‍നിന്ന് ടീച്ചര്‍മാര്‍ അറിഞ്ഞത് വീടിനകത്തെ നടുക്കുന്ന ലൈംഗിക ചൂഷണത്തിന്റെ കഥകള്‍. പിതാവും അമ്മാവനും ബന്ധത്തിലെ സഹോദരനും പല തവണ ലൈംഗിക പീഡനത്തിനിരയാക്കിയെന്ന പെണ്‍കുട്ടിയുടെ വെളിപ്പെടുത്തലിനെ തുടര്‍ന്ന് മൂവരെയും പുണെ പോലിസ് അറസ്റ്റ് ചെയ്തു.
2023 ജൂലൈയിലാണ് ബന്ധുവായ ആണ്‍കുട്ടി ബലാല്‍സംഗം ചെയ്യുകയും പുറത്തുപറയാതിരിക്കാന്‍ ഭീഷണിപ്പെടുത്തുകയും ചെയ്തത്. ഈ വര്‍ഷം ജനുവരിയില്‍ അമ്മാവനും ലൈംഗിക ചൂഷണത്തിനിരയാക്കി. ഉറക്കെ കരഞ്ഞ് പ്രതിരോധിക്കാന്‍ ശ്രമിച്ച കുട്ടിയെ ഇയാള്‍ വലിച്ചിഴക്കുകയും അടിക്കുകയും ചെയ്തതായി പോലിസ് ഓഫിസര്‍ പറഞ്ഞു.
പെണ്‍കുട്ടിയുടെ പിതാവ് പലതവണ പീഡിപ്പിച്ചതായും പോലിസ് അറിയിച്ചു. മൂന്ന് പേരെയും പോക്‌സോ വകുപ്പുകള്‍ പ്രകാരമാണ് അറസ്റ്റ് ചെയ്തത്.