മാധ്യമപ്രവര്‍ത്തകരെ വാക്സിനേഷന് മുന്‍ഗണനാവിഭാഗത്തില്‍ ഉള്‍പ്പെടുത്തി പഞ്ചാബ് സര്‍ക്കാരിന്റെ ഉത്തരവ്
ചണ്ഡിഗഢ്: അംഗീകൃത മാധ്യമപ്രവര്‍ത്തകരെ പഞ്ചാബ് സര്‍ക്കാര്‍ കൊവിഡ് മുന്‍നിര പ്രവര്‍ത്തകരായി അംഗീകരിച്ച് വാക്സിനേഷന് മുന്‍ഗണാപട്ടികയില്‍ ഉള്‍പ്പെടുത്തി. ഇന്നു മുതല്‍ മാധ്യമപ്രവര്‍ത്തകര്‍ക്ക് വാക്സിനേഷന് മുന്‍ഗണനാവിഭാഗങ്ങള്‍ക്കുള്ള അര്‍ഹതയുണ്ടായിരിക്കും.
കൊവിഡ് വ്യാപനകാലത്ത് മാധ്യമപ്രവര്‍ത്തകര്‍ കടുത്ത അപകടങ്ങളിലൂടെയാണ് കടന്നുപോകുന്നതെന്നും മഹാമാരിയുടെ വിവരങ്ങളും സര്‍ക്കാര്‍ ഉത്തരവുകളും ജനങ്ങളിലെത്തിച്ച് അവബോധ രൂപീകരണത്തില്‍ പ്രധാന പങ്കുവഹിക്കുന്നവരാണെന്നും മുഖ്യമന്ത്രി അഭിപ്രായപ്പെട്ടു. മാധ്യമപ്രവര്‍ത്തകരെ മുന്‍ഗണനാവിഭാഗത്തില്‍ പെടുത്തണമെന്നാവശ്യപ്പെട്ട് പഞ്ചാബ് സര്‍ക്കാര്‍ നേരത്തെ കേന്ദ്രത്തിന് കത്തുനല്‍കിയിരുന്നെങ്കിലും മറുപടി നല്‍കിയില്ല.
പവര്‍ കോര്‍പറേഷനിലെ അംഗങ്ങളെയും പഞ്ചാബ് മുന്‍ഗണനാ വിഭാഗത്തില്‍ ഉള്‍പ്പെടുത്തിയിട്ടുണ്ട്.