തിരുവനന്തപുരം: പേരൂര്‍ക്കടയില്‍ എസ്‌ഐക്ക് നേരെ ആക്രമണം. മാസ്‌ക് ധരിക്കാതെ കൂട്ടം കൂടിയത് ചോദ്യം ചെയ്ത പേരൂര്‍ക്കട എസ് ഐ നന്ദകൃഷ്ണയ്ക്ക് നേരെയാണ് ഇന്ന് രാത്രി നാലംഗ സംഘം ആക്രമണം അഴിച്ചുവിട്ടത്. പരുക്കേറ്റ എസ്‌ഐയെ പേരൂര്‍ക്കട ആശുപത്രിയില്‍ പ്രവേശിപ്പിച്ചു.
രാത്രി ഒന്‍പത് മണിയോടെയാണ് സംഭവം നടന്നത്. നൈറ്റ് പട്രോളിംഗിനിറങ്ങിയതായിരുന്നു എസ്‌ഐയുടെ നേതൃത്വത്തിലുള്ള സംഘം. കുടപ്പനക്കുന്ന് ജംഗ്ഷന് സമീപം യുവാക്കള്‍ മാസ്‌ക് ധരിക്കാതെ കൂട്ടംകൂടി നില്‍ക്കുന്നത് ശ്രദ്ധയില്‍പ്പെട്ടതിനെ തുടര്‍ന്ന് കേസ് രജിസ്റ്റര്‍ ചെയ്യാനായി ഇവരുടെ പേര് വിവരങ്ങള്‍ പൊലീസ് ചോദിച്ചു. എന്നാല്‍ അത് വെളിപ്പെടുത്താന്‍ യുവാക്കള്‍ തയ്യാറായില്ല. ഇതേ ചൊല്ലി തര്‍ക്കമുണ്ടാകുകയും യുവാക്കള്‍ എസ്‌ഐയെ മര്‍ദിക്കുകയുമായിരുന്നു എന്നാണ് പോലിസ് പറയുന്നത്.