അപ്പൊ യോ​ഗയ്ക്കല്ലെ ? യോ​ഗ മാറ്റിനാണോ എത്തിയത് യോ​ഗാ ദിനം ചർച്ചയായതിങ്ങനെയും (വീഡിയോ)

ന്യൂഡല്‍ഹി: അന്താരാഷ്ട്ര യോ​ഗ ദിനത്തോടനുബന്ധിച്ചുള്ള ചിത്രങ്ങളും വീഡിയോകളും സോഷ്യൽമീഡിയയിൽ ചർച്ചയായില്ലെങ്കിലും യോ​ഗ മാറ്റിനായുള്ള അടിപിടിയാണിപ്പോൾ വൈറലായിരിക്കുന്നത്. അതും ബിജെപി അധ്യക്ഷനും കേന്ദ്രമന്ത്രിയുമായ അമിത് ഷാ പങ്കെടുക്കുന്ന യോ​ഗ പരിപാടിക്കിടെ. ഹരിയാനയില്‍ സംഘടിപ്പിച്ച യോ​ഗ പരിപാടിയില്‍ പങ്കെടുത്തവരുടെ പെരുമാറ്റമാണ് സോഷ്യല്‍മീഡിയയില്‍ ചര്‍ച്ചയാകുന്നത്.

ഹരിയാനയിലെ റോത്തക്കില്‍ അമിത് ഷായും ഹരിയാന മുഖ്യമന്ത്രി മനോഹര്‍ലാല്‍ ഖട്ടാറും പങ്കെടുത്ത പരിപാടിയില്‍ യോഗാഭ്യാസത്തിന് ഉപയോഗിക്കുന്ന യോഗമാറ്റിന് (പായ) വേണ്ടി ചിലര്‍ പിടിവലി നടത്തുന്നതാണ് ദൃശ്യങ്ങളില്‍ കാണുന്നത്. വാക്‌പോരും കയ്യാങ്കളിയുടെ വക്കോളമെത്തുന്ന അന്തരീക്ഷവും വീഡിയോയിൽ കാണുന്നുണ്ട്. ഇവരെ അനുനയിപ്പിക്കാന്‍ പ്രവര്‍ത്തകര്‍ ശ്രമിക്കുന്നതും ദൃശ്യങ്ങളില്‍ കാണാം. യോ​ഗയ്ക്കാണോ യോ​ഗമാറ്റിനാണോ ജനം ഇവിടെ എത്തിയെതെന്നാണ് സോഷ്യൽ മീഡിയയിൽ ചിലർ ചോദിക്കുന്നത്.