ഭിന്നശേഷിക്കാരിയായ 13കാരിയെ ലൈംഗികമായി പീഡിപ്പിച്ച മൂന്നുവയോധികര്‍ അറസ്റ്റില്‍
ചെന്നൈ: ഭിന്നശേഷിക്കാരിയായ ആറാംക്ലാസുകാരിയെ ലൈംഗികമായി പീഡിപ്പിച്ച മൂന്നുവയോധികര്‍ അറസ്റ്റില്‍. അരിയല്ലൂര്‍ ജിലയിലെ ജയങ്കൊണ്ടത്തിന് സമീപമുള്ള ഗ്രാമത്തില്‍ 13കാരിയെ പീഡിപ്പിച്ച രാജേന്ദ്രന്‍ (65), ചിന്നതമ്പി (70), പനീര്‍ശെല്‍വം (76) എന്നിവരെയാണ് അറസ്റ്റുചെയ്തത്. കുട്ടിയുടെ മാതാവിന്‍െ്‌റ പരാതിയിലാണ് അറസ്റ്റ്.
സ്‌കൂള്‍ അവധിദിനത്തില്‍ വീട്ടില്‍ മറ്റാരുമില്ലാത്ത സമയത്താണ് മൂവരുംചേര്‍ന്ന് കുട്ടിയെ പീഡിപ്പിച്ചതെന്ന് പോലിസ് പറഞ്ഞു. മാതാവ് തിരിച്ചെത്തിയപ്പോള്‍ വീട്ടില്‍ ചിലര്‍ വന്നുപോയതായി കുട്ടി പറഞ്ഞു. പിന്നീട് വിശദമായി ചോദിച്ചപ്പോഴാണ് സംഭവം പുറത്തറിഞ്ഞത്. തുടര്‍ന്ന് ജയങ്കൊണ്ടം മഹിളാ പോലിസ് പോക്‌സോ നിയമപ്രകാരം കേസെടുത്ത് മൂന്നുപേരെയും അറസ്റ്റുചെയ്തു.