ബിജെപിക്ക് എതിരേ ഐക്യപ്പെടുക: പ്രമുഖ പാര്‍ട്ടി നേതാക്കള്‍ക്ക് മമത ബാനര്‍ജിയുടെ കത്ത്
ഏകകക്ഷി ഭരണത്തിലൂടെ ഏകാധിപത്യം സ്ഥാപിക്കാനാണ് ബിജെപി ഉദ്ദേശിക്കുന്നത് എന്നും കത്തില്‍ പറയുന്നുണ്ട്.
'ഭരണഘടനാപരമായ അവകാശങ്ങളും സ്വാതന്ത്ര്യങ്ങളും വിനിയോഗിക്കുന്നത് മറ്റു പാര്‍ട്ടികള്‍ക്ക് അസാധ്യമാക്കാനാണ് ബിജെപി ആഗ്രഹിക്കുന്നത്. സംസ്ഥാന സര്‍ക്കാരുകളുടെ അധികാരങ്ങള്‍ ദുര്‍ബലപ്പെടുത്താനും അവയെ കേവലം മുനിസിപ്പാലിറ്റികളായി തരംതാഴ്ത്താനും ബിജെപി ആഗ്രഹിക്കുന്നു. ഏകകക്ഷി ഭരണത്തിലൂടെ ഏകാധിപത്യം സ്ഥാപിക്കാനാണ് ബിജെപി ഉദ്ദേശിക്കുന്നത് എന്നും കത്തില്‍ പറയുന്നുണ്ട്.
സോണിയ ഗാന്ധിക്ക് പുറമെ സിപിഐ സിപിഎം നേതാക്കള്‍, നാഷണലിസ്റ്റ് കോണ്‍ഗ്രസ് പാര്‍ട്ടി മേധാവി ശരദ് പവാര്‍, ഡിഎംകെയുടെ സ്റ്റാലിന്‍, ശിവസേന മേധാവി ഉദ്ദവ് താക്കറെ, വൈ എസ് ആര്‍ കോണ്‍ഗ്രസ് മേധാവി ജഗന്‍ മോഹന്‍ റെഡ്ഡി, ബിജെഡി മേധാവി നവീന്‍ പട്‌നായിക്, തെലങ്കാന രാഷ്ട്ര സമിതി മേധാവി കെ ചന്ദ്രശേഖര്‍ റാവു സമാജാവാദി പാര്‍ട്ടി നേതാവ് , രാഷ്ട്രീയ ജനദളിന്റെ തേജസ്വി യാദവ്, ആം ആദ്മി പാര്‍ട്ടി മേധാവി അരവിന്ദ് കെജ്‌രിവാള്‍ എന്നിവര്‍ക്കാണ് കത്തയച്ചത്.