കാബൂള്‍: കഴിഞ്ഞ 24 മണിക്കൂറിനുള്ളില്‍ അഫ്ഗാന്‍ സേന 570ഓളം താലിബാന്‍കാരെ വധിച്ചു. പ്രതിരോധ മന്ത്രാലയമാണ് ഇതുസംബന്ധിച്ച കണക്കുകള്‍ പുറത്തുവിട്ടത്.
മരിച്ചവര്‍ക്ക് പുറമെ 161 പേര്‍ക്ക് പരിക്കേറ്റതായും റിപോര്‍ട്ടുണ്ട്. നന്‍ഗര്‍ഹര്‍, ഖോസ്റ്റ്, ലൊഗാര്‍, പക്തിയ, കാണ്ഡഹാര്‍, ഫാറാഹ്, ജൗസ്ജാന്‍ എന്നിവിടങ്ങളിലാണ് ഏറ്റുമുട്ടല്‍ നടന്നതെന്ന് അഫ്ഗാന്‍ മന്ത്രാലയം ട്വീറ്റ് ചെയ്തു.
കഴിഞ്ഞ ദിവസത്തോടെ അഫ്ഗാന്‍ സേനയും താലിബാനും തമ്മിലുള്ള ഏറ്റുമുട്ടല്‍ ശക്തമായി. കഴിഞ്ഞ ദിവസങ്ങളിലുണ്ടായ സംഘര്‍ഷത്തിനു ശേഷം താലിബാന്‍ അഫ്ഗാനിലെ നിരവധി നഗരങ്ങളില്‍ ആധിപത്യം ഉറപ്പിച്ചിട്ടുണ്ട്.
താലിബാനെ സിവിലിയന്‍ മിലീഷ്യ രൂപീകരിച്ച് നേരിടാനാണ് അഫ്ഗാന്റെ പുതിയ ശ്രമം.