ശ്രീകൃഷ്ണപുരം: പാലക്കാട് പ്രായപൂര്‍ത്തിയാവാത്ത മക്കളെ ഉപേക്ഷിച്ച് ഒളിച്ചോടിയ യുവതിയെ പോലിസ് പിടികൂടി. കോട്ടപ്പുറം സ്വദേശിനിയായ 33 കാരിയെയാണ് അറസ്റ്റ് ചെയ്തത്. മൂന്നാംതവണയാണ് യുവതി കാമുകന്റെ കൂടെ ഒളിച്ചോടുന്നത്.
അതേസമയം, ഇപ്രാവശ്യം ചൈല്‍ഡ്ലൈന്റെ ഉള്‍പ്പടെ പരാതി പോലിസില്‍ ഉണ്ടായിരുന്നതിനാല്‍ യുവതിയെ അറസ്റ്റ് ചെയ്തിട്ടുണ്ട്.
യുവതിയെ കാണാതായതിനെ തുടര്‍ന്ന് ഭര്‍ത്താവും ചൈല്‍ഡ്‌ലൈന്‍ പ്രവര്‍ത്തകരും പരാതിയുമായി പോലിസിനെ സമീപിക്കുകയായിരുന്നു. കഴിഞ്ഞ ഒക്ടോബര്‍ 31 മുതലാണ് കാണാതായത്. അതിനുമുമ്പും രണ്ടു തവണ ഇത്തരത്തില്‍ യുവതിയെ കാണാതായിരുന്നു.
പ്രായപൂര്‍ത്തിയാകാത്ത കുഞ്ഞുങ്ങളുടെ ഭാവി ആശങ്കയിലായതോടെ, ഒത്തുതീര്‍പ്പുചര്‍ച്ചയില്‍ ഭര്‍ത്താവും യുവതിയും ഒരുമിച്ചു ജീവിതം തുടരാന്‍ തീരുമാനിക്കുകയായിരുന്നു. പിന്നീട് പ്രശ്നങ്ങളില്ലാതെ കുടുംബജീവിതെ മുന്നോട്ട് പോകുന്നതിനിടെയാണ് മൂന്നാമതും കാണാതായത്. ജുവനൈല്‍ ജസ്റ്റിസ് ആക്ട് പ്രകാരമാണ് കേസെടുത്തിട്ടുള്ളത്.
യുവതിയെ ചൊവ്വാഴ്ച മജിസ്ട്രേറ്റിനുമുന്നില്‍ ഹാജരാക്കും. ശ്രീകൃഷ്ണപുരം സി.ഐ. ബിനീഷിന്റെ നേതൃത്വത്തിലുള്ള പോലിസ് സംഘമാണ് അറസ്റ്റ് ചെയ്തത്.