വേള്‍ഡ് മലയാളി കൗണ്‍സില്‍ ഷാര്‍ജാ പ്രോവിന്‍സിന്റെ പുതുവത്സര കുടുബസംഗമ പരിപാടികള്‍ നടന്നു
ഷാര്‍ജ: വേള്‍ഡ് മലയാളി കൗണ്‍സില്‍ ഷാര്‍ജാ പ്രോവിന്‍സിന്റെ പുതുവത്സര കുടുബസംഗമ പരിപാടികള്‍ ഫെബ്രുവരി പന്ത്രണ്ടാം തീയതി നടന്നു. മുഖ്യ അതിഥിയായെത്തിയ ഗ്ലോബല്‍ അഡൈ്വസറി ബോര്‍ഡ് ചെയര്‍മാന്‍ ഐസക് ജോണ്‍ പട്ടാണിപറമ്പില്‍ കുടുംബസംഗമം ഉദ്ഘാടനം ചെയ്തു. ചടങ്ങില്‍ ഷാര്‍ജ പ്രോവിന്‍സ് പ്രസിഡന്റ് സവാന്‍ കുട്ടി അധ്യക്ഷത വഹിച്ചു.
ഗ്ലോബല്‍ വി പി അഡ്മിന്‍ സി യു മത്തായി, മിഡില്‍ഈസ്റ്റ് ചുമതലുള്ള ഗ്ലോബല്‍ വി പി ചാള്‍സ് പോള്‍, മിഡിലീസ്റ്റ് പ്രസിഡന്റ് ഷാഹുല്‍ ഹമീദ് എന്നിവര്‍ ചടങ്ങില്‍ സന്നിഹിതരായിരുന്നു.
ഡബഌയുഎംസി കുടുബാംഗങ്ങളുടെ വിവിധ കലാപരിപാടികളോടെ ആരംഭിച്ച വേദിയില്‍ വിവിധ തലങ്ങളില്‍ വ്യക്തിമുദ്ര പതിപ്പിച്ച അംഗങ്ങളായ ജാസ്മിന്‍, സന്തോഷ്, ശ്രീനാഥ് എന്നിവരെ വിശിഷ്ട വ്യക്തികള്‍ ചേര്‍ന്ന് ആദരിച്ചു. ഷാര്‍ജാ പ്രോവിസ് സെക്രട്ടറി അജിത്ത് കുമാര്‍ ചടങ്ങില്‍ സ്വാഗതം പറഞ്ഞു. മിഡില്‍ഈസ്റ്റ് വി പി വിനേഷ് മോഹന്‍, സെക്രട്ടറി സി എ ബിജു, വനിതാ വിഭാഗം പ്രസിഡന്റ് എസ്താര്‍ ഐസക്, ഉപദേശക അംഗം ഷാജി മാത്യു, ചെയര്‍മാന്‍ നസീര്‍ വെളിയില്‍ കൂടാതെ, മറ്റ് പ്രോവിന്‍സുകളെ പ്രതിനിധീകരിച്ചെത്തിയ മോഹന്‍ കാവാലം, ജോഫി ഫിലിപ്പ്, ജൂഡിന്‍ ഫെര്‍ണാണ്ടസ് എന്നിവര്‍ ആശംസ പറഞ്ഞു.
വനിതാ വിഭാഗം ഭാരവാഹികളായ രശ്മി വിനേഷ്, മിലാനാ അജിത്, ഷീബാബിജു എന്നിവര്‍ ആശംസകളും ട്രഷറര്‍ അനില്‍ കുമാര്‍ നന്ദിയും പറഞ്ഞു.