കടലില്‍ കുളിക്കാനിറങ്ങിയ യുവാവ് മുങ്ങി മരിച്ചു; ഒരാളെ കാണാതായി
പുത്തൂര്‍ സ്വദേശി പല്ലിശ്ശേരി വീട്ടില്‍ ബില്‍വിന്‍ (22) ആണ് മരിച്ചത്. പുത്തൂര്‍ സ്വദേശി സ്മിഥുന്‍ (20) നെയാണ് കാണാതായത്.
തൃശ്ശൂര്‍: തളിക്കുളം തമ്പാന്‍ക്കടവില്‍ കടലില്‍ കുളിക്കാനിറങ്ങിയ യുവാവ് മുങ്ങി മരിച്ചു. ഒരാളെ കാണാതായി. പുത്തൂര്‍ സ്വദേശി പല്ലിശ്ശേരി വീട്ടില്‍ ബില്‍വിന്‍ (22) ആണ് മരിച്ചത്. പുത്തൂര്‍ സ്വദേശി സ്മിഥുന്‍ (20) നെയാണ് കാണാതായത്. ഇന്നnz വൈകീട്ടോടെയാണ് നാലംഗ സംഘം കടപ്പുറത്തെത്തിയത്. ഇതില്‍ രണ്ട് പേര്‍ കടലില്‍ കുളിക്കാനിറങ്ങിയപ്പോഴാണ് അപകടത്തില്‍പ്പെട്ടത്. മത്സ്യതൊഴിലാളികള്‍ നടത്തിയ തിരച്ചിലിലാണ് ഒരാളെ കണ്ടെത്തിയത്. കാണാതായയാള്‍ക്ക് വേണ്ടിയുള്ള തിരച്ചില്‍ തുടരുകയാണ്.